Bütün dünyanın axtardığı tarixi artefaktı təsadüfən həyətdən tapdı - VİDEO

ABŞ-də maraqlı hadisə baş verib.

Publika.az ABC News-a istinadən xəbər verir ki, Nyu Orlean sakinləri təsadüfən öz həyətlərində onilliklər ərzində itmiş hesab edilən qədim Roma artefaktını aşkar ediblər.

"Onlar alaq otlarının altından üzərində latın yazısı olan mərmər lövhə tapıblar. Bundan sonra Tulan Universitetinin antropoloqu Daniella Santoro həmkarlarına tapıntı haqqında danışıb. Arxeoloq Suzanna Lusnia isə tapıntının "Sextus Congenius Verus" adlı Roma dənizçisinin məzar daşı olduğunu müəyyən edib",- nəşr yazıb.

Tədqiqatçının sözlərinə görə, döyüşçünün 42 yaşı olub və tibb tanrısı olan Asklepinin adını daşımış gəmidə xidmət edib. O, 20 ildən çox imperiya donanmasında fəaliyyət göstərib. Məlum plitə isə ehtimal edilir ki, onun varisləri, əsgər yoldaşları tərəfindən sifariş edilib. Çünki bunu onun ailəsi edə bilməzdi, Roma əsgərlərinə evlənmək qadağan olub.

Artefakt Romadan təxminən 50 kilometr aralıda yerləşən Civitavekkya şəhəri yaxınlığındakı qədim hərbi nekropoldan götürülüb. Onu 1910-cu ildə tapıblar. Lakin İkinci Dünya Müharibəsindən sonra lövhə yoxa çıxıb. Çünki plitənin saxlanıldığı Milli Arxeologiya Muzeyi bombardıman zamanı dağılıb. Tapıntının ölçüləri muzeydəki keçmiş qeydlərə də tam uyğun gəlib.

Tural