"Poverbank" sərnişin dolu təyyarəni necə məhv edə bilər? - VİDEO

Çində təyyarələrdən birində gözlənilməz insident yaşanıb.

Publika.az Baza Teleqram kanalına istinadən xəbər verir ki, “Air China” aviaşirkətinə məxsus “Airbus A321” təyyarəsinin göyərtəsində yanğın baş verib. İlkin məlumatlara görə, yanğın çantada saxlanılan "poverbank"dan qaynaqlanıb. Hadisənin görüntüləri sosial şəbəkələrdə geniş müzakirələrə səbəb olub.

Videoda içərisində sərnişin olan təyyarənin salonunda yanğının başlaması əks olunub.

Yerli media isə yazır ki, fövqəladə hadisə təyyarə Hançjoudan Seula uçarkən təxminən 10 kilometr yüksəklikdə baş verib.

"Yanğın sərnişinlərdən birinin başı üzərində olan yük yerində baş verib, bundan sonra tüstü sürətlə salona yayılmağa başlayıb",- media yazıb.

Ekipaj Şanxay Pudonq hava limanında təcili eniş qərarı qəbul edib. Lakin stüardessalar enişdən əvvəl yanğını söndürə biliblər. Mütəxəssislər insidenti əsas gətirərək nəzarətsiz qalan, təyyarəyə götürülən adi şarj cihazının səmada necə təhlükə yarada biləcəyi, onun böyük fəlakət və faciəyə ola biləcəyi ilə bağlı xəbərdarlıq ediblər.

Tural