Jirinovskinin iqamətgahı satışa çıxarıldı: "Dodaq uçuqladan" qiymət - FOTOLAR

Rusiya Liberal Demokrat Partiyasının mərhum lideri Vladimir Jirinovskinin iqamətgahı satışa çıxarılıb.

Publika.az xəbər verir ki, bu barədə "Mash" "Telegram" kanalı məlumat yayıb.

Bildirilir ki, iqamətgah 800 milyon rubla (təxminən 16 milyon 737 min 600 AZN) satılır.

Kuzminkidə yerləşən sarı-narıncı rəngli daşınmaz əmlak 5000 kvadratmetrdən çox ərazini tutur.

Köşk dörd binadan, 50 avtomobil üçün dayanacaqdan və hətta meşədən ibarətdir. İnteryer "90-cı illərin" ruhunu saxlayır: yumşaq divanlar, kilimlər və mebellər. Kompleksin altındakı torpaq sahəsi 2052-ci ilə kimi icarədədir.

Qeyd edək ki, Jirinovskinin sağlığında iqamətgah ciddi şəkildə qorunurdu, lakin onun ölümündən sonra mühafizəçilər tədricən oradan köçüblər. Binada təmir bu ilin yayında başlayıb.

Məlumata görə, mülkün sahibi kimi Jirinovskinin keçmiş müttəfiqi Sergey Abeltsevin həyat yoldaşına məxsus Qorki sovxozu qeyd olunub. O, 2024-cü ildə külli miqdarda dələduzluq etdiyinə görə həbs edilib.

Adəm