Maraq dünyası

Müəmmalı nəhəng hörümçək turistə hücum etdi - FOTO

1 Noyabr 2025 12:15

Misirdə nəhəng və müəmmalı bir hörümçək çimərlikdə yemək yeyən rusiyalı turistə hücum edib.

Publika.az xəbər verir ki, bu barədə Rusiya mediası məlumat yayıb. "SHOT" Teleqram kanalının yaydığı məlumata görə, hadisə Şarm əl-Şeyxdəki "Barcelo Tiran Sharm" otelində baş verib. Sosial mediada müzakirələrə səbəb olan hadisənin qurbanı qadın olub. O, həmin vaxt çimərlik barında yemək yeyən bacısı ilə dincəlirmiş. Nəhəng hörümçək rusiyalı turistə hücum edərək onu dişləyib. Həşəratın sancdığı yerdə sürətlə böyüməyə başlayan qəribə hematoma əmələ gəlib. Turistə deyiblər ki, ona dəvə hörümçəyi hücum edib. Amma oteldə işləyən tibb işçisi qadını hansı həşəratın dişlədiyini müəyyən edə bilməyib.

Qeyd edək ki, Dəvə hörümçəyi və ya "solpuga" adlandırılan bu həşəratın uzunluğu 15 santimetrə qədər çata bilir. O, hətta daha da çox böyüyə bilər və Dəvə hörümçəyinə Misir kurortlarında tez-tez rast gəlinir.

Tural