Maraq dünyası

13 illik axtarışdan sonra dünyanın ən nadir çiçəyini tapdı, göz yaşlarına boğuldu - Video

25 Noyabr 2025 07:35

Bioloqlar 13 illik axtarışdan sonra dünyanın ən nadir çiçəyi olan "Rafflesia hasseltii"ni tapmağa müvəffəq olublar.

Publika.az xəbər verir ki, bir bioloqun göz yaşlarına boğulduğu anın görüntüləri yayılıb.

Sumatrada tapılan "Rafflesia hasseltii" nəhəng parazit bitkilərin ən nadir növlərindən biridir. Oksford Universitetinin məlumatına görə, bu çiçəyi vəhşi təbiətdə görən insan sayı olduqca azdır.

Çiçəyi tapmaq üçün mütəxəssislər pələnglərin yaşadığı sıx cəngəllikdə bir neçə gün və gecə keçirməli olublar.

"Rafflesia" tamamilə parazit bitkidir, ömrünün çox hissəsini tropik üzümün toxumasında keçirir və yalnız çiçəklənmək üçün ortaya çıxır. Nəhəng çiçək çürümüş ət qoxusu yayır, buna görə də ona "meyit çiçəyi" ləqəbi verilib. Qoxu milçəkləri cəlb edir və onlar bitkini leşlə səhv salır, nəticədə tozcuqları daşıyırlar. "Rafflesia"nın 40-dan çox növü var.

Ləman