Yer daha tez-tez silkələnəcək: Qıtlıq, quraqlıq, müharibə - Vanqanın 2026-cı illə bağlı proqnozu

Məşhur bolqar öncəgörən Vanqa ekoloji fəlakətlər, geosiyasi problemlər və texnoloji irəliləyişlər barədə xeyli proqnoz verib.

Publika.az xəbər verir ki, ekspertlər onun bir neçə proqnozunu 2026-cı ilə də aid edirlər.

Vanqa dəfələrlə insan fəaliyyəti ilə əlaqəli mümkün ekoloji fəlakətlər barədə xəbərdarlıq edib. Onun proqnozlarına görə, 2026-cı ilə qədər bəşəriyyət qlobal istiləşmə, təbii sərvətlərin tükənməsi və fəlakətli təbii hadisələr də daxil olmaqla ciddi ekoloji problemlərlə üzləşə bilər.

Xüsusilə, o, Yer kürəsinin daha tez-tez silkələnəcəyini və bir çox sahil xəttini suyun örtəcəyini proqnozlaşdırıb. Bu, planetin əhəmiyyətli bir hissəsinə təsir edəcək mümkün zəlzələlərə, vulkan püskürmələrinə və ekstremal hava şəraitinə işarə ola bilər.

Vanqa həmçinin böyük hərbi münaqişələrə səbəb ola biləcək mümkün geosiyasi problemləri də proqnozlaşdırmışdı. Onun proqnozuna görə, aparıcı güclər arasında münaqişələrin 2026-cı ildə daha da kəskinləşməsi ehtimalı var.

Yaxın Şərq, Cənub-Şərqi Asiya və Cənubi Asiyadakı gərginlik qlobal münaqişənin mümkün eskalasiyası ilə bağlı qorxuları daha da artırır.

Vanqa texnologiyanın yeni zirvələrə çatacağını və bunun həm tərəqqiyə, həm də yeni təhlükələrə səbəb ola biləcəyini proqnozlaşdırmışdı. O, 2020-ci illərin ortalarına qədər elm adamlarının "görünməz qüvvələri ram edə" və tibb və kommunikasiyada inqilab edəcək kəşflər edə biləcəklərini bildirmişdi.

Qeyd olunur ki, buraya kvant hesablamalarında irəliləyişlər, gen mühəndisliyi və ya müstəqil qərarlar qəbul edə bilən süni intellektin yaradılması daxil ola bilər.

Vanqa 2026-cı ildə bir çox bölgənin su və qida çatışmazlığı ilə üzləşəcəyini və bunun kütləvi miqrasiyaya və sosial çevrilişə səbəb olacağını proqnozlaşdırıb.

Tural