Tarixə düşən beşəmin sonuncusu idi, vəfat etdi - FOTOLAR

Dünyada doğuşdan sonra sağ qala bilən ilk beşəm kimi tanınan Dion ailəsinin sonuncu üzvü Annet Dion 91 yaşında vəfat edib.

Publika.az xəbər verir ki, bu barədə "New York Times" qəzeti ailəyə istinadən məlumat yayıb.

Mənbənin məlumatına görə, ölümün səbəbi Alzeymer xəstəliyi olub.

"O, bacıları kimi ictimaiyyətin diqqətini cəlb etməkdən narazı idi. Sensasiya obyekti kimi görünməyi sevmirdi",- məqalədə yazılıb.

"Dion beşəmi" kimi tanınan bacılar 1934-cü ilin mayın 28-də Kanadanın Ontario şəhərində anadan olublar. Onlar körpəlikdən sağ çıxa bilən ilk beşəm kimi tarixə düşüblər. Bacılar doğulduqdan bir neçə saat sonra dünya miqyasında şöhrət qazanaraq əsl sensasiyaya çevrilmişdilər. Hətta onların yaşadığı məkan turistləri cəlb etməyə başlamışdı.

Bacılardan ilk vəfat edən Emili olub ki, onun da cəmi 20 yaşı var imiş. Bundan on altı il sonra Mari güclü depressiyalar səbəbindən xəstəxanaya yerləşdirildi və 36 yaşında vəfat etdi. Daha sonra İvon vəfat edib. Sesil isə 2025-ci ilin avqustunda vəfat etdi və Annet məşhur beşəmlərin sonuncusu idi.

Tural