Erməni astroloqdan Azərbaycan və Ermənistanla bağlı sensasion proqnoz: İlin əvvəlində...

Rəqəmsal astroloq və psixoloq Lilit Aleksanyan “Sputnik Armenia”ya verdiyi müsahibədə bildirib ki, qida təchizatı, xüsusən də taxıl və təmiz içməli suya çıxışla bağlı məsələlər Od Atı ilində ən aktual məsələlərdən birinə çevrilə bilər .

Publika.az xəbər verir ki, onun sözlərinə görə, gələn il Ermənistanda hərbi münaqişə gözlənilmir, lakin ilin əvvəlində sərhədlərdə müəyyən gərginlik yarana bilər.

Qonşu ölkələrdən danışan Aleksanyan təbii fəlakətlər riskini qeyd edib. Ermənistanın özündə isə vəziyyət nisbətən sakit olacaq. Eyni zamanda, Ermənistan özünü "güc yeri" kimi təqdim etməklə xeyli sayda turist axını cəlb edə bilər.

Astroloq informasiya texnologiyaları sahəsinə xüsusi diqqət yetirib. Onun fikrincə, süni intellektin inkişafı güclü təkan alacaq. Bir tərəfdən bu, müsbət bir inkişaf olsa da, digər tərəfdən avtomatlaşdırma və iş yerlərinin itirilməsi ilə bağlı risklər daşıyır.

Aleksanyan vurğulayıb ki, "ilk olaraq orta gəlirli insanlar zərbə alacaq. Baş verən dəyişikliklərdən xəbərdar olmaq üçün yeni bacarıqlar öyrənməyi, yenidən hazırlığı və davamlı özünütəhsil almağı ciddi şəkildə nəzərdən keçirməyin vaxtıdır".

Kişi və qadın münasibətləri mövzusuna toxunan xanım qeyd etdi ki, gələn il ailə qurmaq üçün əlverişli olacaq. O bildirib ki, Ermənistanda boşanma nisbətlərinin davamlı artması fonunda insanlar nikaha daha şüurlu şəkildə yanaşmağa başlayacaqlar.

"Partnyor seçiminiz daha balanslı olacaq və bu da daha güclü və daha davamlı birliklərə imkan verəcək. Ümumilikdə, 2026, eləcə də 2027 və 2028-ci illər həm evlilik, həm də doğuş üçün əlverişli olacaq", - deyə o bildirib.

Lilit Aleksanyan insanları özünü inkişaf etdirməyə, yaxınlarına qayğı göstərməyə və özlərində müsbət dəyişikliklərə başlamağa daha çox diqqət yetirməyə çağırıb.

Tural