Qış papaqlarındakı qotazlar sən demə bu işə yarayırmış

Bu gün bir moda aksessuarı kimi gördüyümüz qotazlar, əslində XVIII əsr dənizçilərinin həyatını xilas etmək üçün icad edilib.

Publika.az bu kiçik yun topların maraqlı hekayəsini təqdim edir:

Qotazların mənşəyi Fransa Hərbi Dəniz Qüvvələrinə söykənir. O dövrün gəmilərində tavanlar çox alçaq idi və dənizçilər gəmi hərəkət edərkən və ya fırtına zamanı tez-tez başlarını tavanın kəskin künclərinə və ya taxta tirlərə çırpırdılar.

Dənizçilərin başlarını qorumaq üçün papaqların təpəsinə yun toplar tikilməyə başlandı. Bu qotazlar bir növ xəbərdarlıq və qorunma sistemi idi:

Dənizçi başını harasa yaxınlaşdıranda əvvəlcə yumşaq qotaz toxunurdu və o, başını çəkməli olduğunu anlayırdı.

Əgər başını bərk çırpsaydı, yun top zərbənin şiddətini bir qədər azaldırdı.

Zamanla qotazlar həm də hərbi fərqlənmə nişanına çevrildi. Napoleon dövründə əsgərlərin papaqlarındakı qotaznların rəngi onların hansı alaya və ya bölməyə aid olduğunu göstərirdi. Məsələn, müəyyən bir rəng piyada qoşunlarını, digəri isə kəşfiyyatçıları simvolizə edirdi.

Qotazların digər bir növü olan "Tam o' Shanter" papaqları isə Şotlandiyada məşhurlaşdı. Burada da qotazlar başı qorumaqla yanaşı, estetik bir kimlik qazanmışdı. 1930-cu illərdəki Böyük Böhran zamanı qotazlar ucuz yun qalıqlarını gizlətmək üçün də istifadə olunurdu.

Bu gün geyindiyimiz papaqlar gəmi tavanlarından qorunmaq ehtiyacı duymasa da, qotazlar bir ənənə və moda elementi kimi qalmaqda davam edir.

(Milli.az)