Buzlu suyun altında 20 saat qalan kişi sağ tapıldı

Rusiyada maraqlı hadisə baş verib.

Publika.az Rusiya Fövqəladə Hallar Nazirliyinin Saxalin bölməsinə istinadən xəbər verir ki, dənizdə, buzlu suyun içində tək qalmış dalğıc aşkarlanıb. O, genişmiqyaslı axtarış əməliyyatının başlamasından təxminən 24 saat sonra sağ tapılıb. 20 saat buzlu suyun altında qalan dalğıcın vəziyyəti qənaətbəxş hesab olunur.

Qeyd edilib ki, Fövqəladə Hallar Nazirliyinə 23 yanvar axşamı Korsakov dəniz limanının sularında itkin düşən dalğıc haqqında məlumat daxil olub. 50 yaşlı kişi və onun həmkarı sahildən iki kilometr aralıda dalğıc əməliyyatları apararkən izsiz şəkildə yoxa çıxıblar. 24 yanvarda həm onun itkin düşdüyü ərazini, həm də cərəyanın onu apara biləcəyi ehtimal edilən geniş ərazidə axtarış-xilasetmə əməliyyatı başlayıb.

Günorta saatlarında itkin düşmüş kişi "İvan Kapralov" gəmisinin heyəti tərəfindən aşkar edilərək xilas edilib. Daha sonra o, Korsakov limanına aparılması üçün "Otto Schmidt" xilasetmə gəmisinə göndərilib. İlkin məlumatlara görə, xilas edilən şəxsin vəziyyəti qənaətbəxşdir və təcili tibbi yardıma ehtiyac yoxdur.

Tural