Kişilər bu xanımdan qorxur: Boyu 2 metrə çatır - FOTOLAR

Britaniyalı qadın boyunun hündür olmasının şəxsi həyatında problemlər yaratdığını bildirib. Əsəs da sevgi münasibətlərində ciddi problemlərin olduğunu qeyd edib. O, qorxaq kişilərdən danışıb.

Publika.az xəbər verir ki, bu barədə "The Daily Star" qəzeti yazıb.

31 yaşlı Çarli Millin boyu 196 santimetrdir. O deyir ki, bu, onun şəxsi həyatının hər tərəfinə təsir edib. İddia edir ki, kişilər onu görəndə dəfələrlə görüşlərdən qaçıblar. Potensial sevgililərindən biri onun başının müəssisənin tavanına dəydiyini görəndə qaçıb.

Bəzi kişilərin isə ona boyu ilə bağlı qeyri-etik suallar verməsi Milli çox incidib.

"Mənə dəfələrlə görüşmək üçün çox uzun olduğumu deyibilər. Hətta şam yeməyinin pulunu ödəmədən belə məni masada atıb gediblər", - deyə o, acı xatirələrini bölüşüb.

Qeyd olunur ki, artıq Mill kişilərə boyu haqqında əvvəlcədə xəbərdarlıq edir, bu isə onunla görüşmək istəyənlərin sayını azaldır. Kİşilərdən biri etiraf edib ki, "onun yanında özünü gülünc hiss edəcək".

Mill bildirib ki, o, hələ məktəbdə oxuyarkən təxminən iki metr boyunda olub. Buna görə də sinif yoldaşları onunla oğlan kimi davranıb, onu itələyib və hətta dalaşıblar.

Adəm