Maraq dünyası

Sevgilisini öpərək rekord qırdı

15 Fevral 2026 04:44

Britaniyalı Coşua Sanders öpüşlərin sayına görə Ginnesin rekordlar kitabına düşüb.

Publika.az xəbər verir ki, bu barədə "Guinness World Records" şirkətinin rəsmi "TikTok" hesabında məlumat verilib.

Rekord Londonda qeydə alınıb. Videoda Sandersin 30 saniyə ərzində sevgilisi Cenni Troyu 146 dəfə öpdüyü əks olunub.

"O, bu rekordu üçüncü cəhddə uğurla qırdı. Lakin ümid edir ki, kimsə artıq bu rekordu təzələməyə hazırlaşır", - deyə məlumatda bildirilir.

Öpüşün müddətinə görə dünya rekordu isə Tailanddan olan bir cütlüyə məxsusdur. Onlar 2013-cü ildə Sevgililər Günü münasibətilə keçirilən ən uzunmüddətli öpüş müsabiqəsində iştirak ediblər. Öpüş zamanı sevgililərə dodaqlarını hətta bir neçə saniyəlik belə ayırmağa icazə verilməyib — onlar hətta tualetə də birlikdə getməli olublar. Nəticədə Ekkaşay və Laksan Tiranaratın öpüşü təxminən iki sutka yarım davam edib.

Hüseyn İbadlı