MDB

Ukrayna gəmiləri Kerç boğazını yenidən keçəcək

3 Yanvar 2019 17:29

Kiyev Kerç boğazı vasitəsilə hərbi gəmilərini yenidən göndərmək niyyətindədir.

Publika.az UNİAN agentliyinə istinadən xəbər verir ki, bu haqda Ukraynanın müdafiə naziri Yuri Biryukov bildirib.

Onun sözlərinə görə, Ukrayna gəmiləri Qara dənizdən hər hansı maneələr olmadan Azov dənizinə keçmək hüququna malikdir. Biryukov vurğulayıb ki, gəmiləri beynəlxalq müşahidəçilər müşayiət edəcəklər.

Qeyd edək ki, Donbas və Krım məsələlərinə görə gərgin olan Rusiya-Ukrayna münasibətləri Kerç boğazı ətrafındakı son hadisədən sonra daha da pisləşib.

Noyabrın 25-də Rusiya sərhədçiləri Kerç boğazında silah tətbiq edərək Ukrayna Hərbi-Dəniz Qüvvələrinin üç gəmisini saxlayıb. Nəticədə, 3 Ukrayna hərbçisi yaralanıb. Bundan başqa, 24 Ukrayna hərbçisi saxlanılıb. Onlardan 15-i barədə həbs qəti-imkan tədbiri seçilib.

Ömər