Lavrov BƏYAN ETDİ: NATO-nun növbəti müdafiə xətti bu dəniz olacaq

Rusiyanın xarici işlər naziri Sergey Lavrov Cənubi Çin dənizinin NATO-nun növbəti müdafiə xəttinə çevrilə biləcəyini deyib.

Publika.az xəbər verir ki, o, belə bir bəyanatla BMT Baş Assambleyasının 77-ci sessiyasında mətbuat konfransı zamanı çıxış edib.

Onun sözlərinə görə, SSRİ dağılandan bəri alyans davamlı olaraq şərqə doğru irəliləyir.

Lavrov əlavə edib ki, NATO artıq hamıya aydın olan xəttdən yüzlərlə və minlərlə kilometr məsafəni müdafiə edir.

O qeyd edib ki, alyansın nümayəndələri artıq Hind-Sakit okean regionunun təhlükəsizliyinə cavabdeh olduqlarını bildiriblər.

"Onlar sadəcə qərar verirlər: indi biz burada özümüzü müdafiə edəcəyik. Onlar bəyan etdilər ki, NATO indi Hind-Sakit okean regionunun təhlükəsizliyinə cavabdehdir, yəni Cənubi Çin dənizi NATO-nun növbəti müdafiə xətti olacaq, mən heç bir şübhə etmirəm", - Lavrov bildirib.

O, həmçinin bəyan edib ki, Vaşinqton bütün dünyanı öz həyəti hesab edir. Sanksiyaların tətbiqi isə kinsizliyin təzahürüdür, çünki onlar mülki əhaliyə zərbə vurur və zəruri mallara daha yaxşı çıxışın qarşısını alır.

Hüseyn İbadlı