MDB
Zelenski SƏRT DANIŞDI: Putin buna görə atəşkəs təklif edib
Vladimir Putinin Milad gecəsi atəşkəs haqqında əmrinin arxasında yeni gizli təcavüz addımlarının dayanır.
Publika.az xəbər verir ki, bu sözləri Ukrayna Prezidenti Vladimir Zelenski Telegram kanalında yayımladığı gündəlik videomüraciətində deyib.
"Rusiya Ukraynaya və Avropaya qarşı yeni təcavüz dalğasına hazırlığını bu sükut arxasında gizlədə bilməyəcək. İndi onlar Donbassdakı oğullarımızın irəliləyişini bir müddət dayandırmaq, texnika, sursat və çağırışçıları mövqelərimizə yaxınlaşdırmaq üçün Miladdan pərdə kimi istifadə etmək istəyirlər. Nə verəcək? İtkilərin hesabında daha bir artım. Kremlin müharibədə möhlətdən necə istifadə edərək müharibəni yeni güclə davam etdirdiyini dünyada hamı bilir. Və müharibəni daha tez bitirmək üçün tamamilə fərqli bir şey lazımdır. Rusiya vətəndaşları Kremldə bir nəfərin utanc verici qorxusundan xilas olmaq üçün ən azı 36 saat, ən azı Milad bayramında özlərində cəsarət tapmalıdırlar. Müharibəyə son qoymaq dövlətinizin təcavüzünə son qoymaq deməkdir. Raketləriniz, pilotsuz təyyarələriniz şəhərlərimizi vurmayanda belə, işğal olunmuş ərazilərdə terror davam edir. Siz ukraynalılara möhlət vermirsiniz. İnsanlara işgəncə verilir, elektrik cərəyanı verilir, zorlanır. Əsgərləriniz torpaqlarımızda olduğu müddətdə bu, hər gün davam edir. Müharibə də bitəcək - əsgərləriniz ya gedəndə, ya da biz onları qovub çıxaranda. Odur ki, öz yerlərinizə qayıdın. 1991-ci ildəki sərhəddə..." - Zelenski qeyd edib.
Xatırladaq ki, yanvarın 5-də Putin "xüsusi hərbi əməliyyat" zonasında yanvarın 6-dan 7-dək atəşkəs rejiminin elan olunması barədə göstəriş verib.
Ukrayna Milli Təhlükəsizlik və Müdafiə Şurasının katibi Aleksey Danilov bildirib ki, Kiyev Moskvanın təklif etdiyi atəşkəsi dəstəkləməyəcək.
ABŞ Dövlət Departamentinin mətbuat xidmətinin rəhbəri Ned Praysın sözlərinə görə, ABŞ Kremlin elan etdiyi Milad atəşkəsinə o qədər də inanmır.
-
Sosial17:00
Sabiq baş pediatrın intiharı ilə bağlı cinayət işi başlandı - Yeniləndi
-
Cənubi Qafqaz16:39
Ukrayna deputatları Vardanyanı biabır etdilər - Nobel Komitəsinə müraciət
-
MDB15:56
Həbs olunan generalla bağlı şok iddia: Boşanması uydurma olub
-
İdman15:15
Həbsxanadan məktub yazdı: İki zabitin qarşısında soyunmalı oluram - FOTOLAR
-
Rəsmi xronika14:51
Azərbaycan Qırğızıstanla Anlaşma Memorandumu imzaladı
-
Hadisə14:06
Sabiq baş pediatr özünü güllələdi - TƏCİLİ
-
Rəsmi xronika14:05
Prezidentlər mətbuata bəyanatlarla çıxış etdilər - Yeniləndi
-
MDB13:33
Simonyanın İspaniyadakı çıxışı Rusiyanı qəzəbləndirdi: Senatorlara göstəriş verildi