Banklar hər il 50 milyard itirəcək: Bu səbəbdən

Ekspertlər rəqəmsal rublun tətbiqindən sonra Rusiya banklarının itkilərini proqnozlaşdırıblar.

Publika.az xəbər verir ki, rəqəmsal rublun tətbiqindən sonra Rusiya bankları hər il 50 milyard rubl itirə bilər. Eyni zamanda mağazaların hər il 80 milyard rubl qənaət edə biləcəyi ehtimal olunur.

"Yakov and Partners" konsaltinq şirkətinin analitikləri bu dilemmadan bəhs ediblər. Mütəxəssislər ödəniş sistemlərinin gələcəyini araşdırıb və belə nəticəyə gəliblər ki, rəqəmsal rublun işə salınması nəticəsində pərakəndə satış şirkətləri əsas benefisiarlar olacaq.

Onların 5 il ərzində gəlirləri ümumilikdə 400 milyard rubl arta bilər. Alış-veriş zamanı keşbeksiz qalacaq istehlakçılar, eləcə də maliyyə qurumları bu müddət ərzində təxminən 250 milyard itirəcək.

Qeyd edək ki, Rusiya Mərkəzi Bankı rəqəmsal rublun inkişafına 2020-ci ilin sonunda başlayıb. Analitiklər bu yeniliyin ölkə maliyyə sistemləri baxımından dünya lideri mövqeyini möhkəmləndirə biləcəyini söyləyirlər.

Mehti Kamiloğlu