MDB

Zelenski yumruğunu qəzəblə masaya çırpdı: Dəvət olmasa...

30 İyun 2023 11:14

Ukrayna prezidenti Vladimir Zelenskinin aparat rəhbərinin müşavirinin müavini İqor Jovkva bildirib ki, Kiyev alyansa qoşulmaq üçün dəvət almasa, Ukrayna lideri NATO-nun Vilnüs sammitinə getməyəcək.

Publika.az xəbər verir ki, bu barədə “Reuters” məlumat yayıb. Agentlik qeyd edir ki, Zelenski bu məsələyə münasibət bildirərkən yumruğunu qəzəblə masaya çırpıb.

“Bu təklif artıq NATO müttəfiqlərinin liderlərinin masalarındadır. Vilnüs sammiti bu tələbə cavab vermək üçün çox yaxşı başlanğıc olardı. Cavab dedikdə isə üzvlüyə dəvət nəzərdə tutulur ki, bu da ilk addımdır”, - agentliyin məlumatında deyilir.

Jovkva qeyd edib ki, əgər NATO üzvləri “cəsarətsizlik göstərsələr”, Zelenskinin sammitdə iştirak etmək üçün heç bir səbəbi yoxdur.