MDB

ABŞ Krımla bağlı VƏD VERDİ: "Ukrayna ordusu belə potensiala malikdir"

12 May 2024 21:00

"Vaşinqton Kiyevə silah tədarükünü sürətləndirmək üçün mümkün olan hər şeyi edir, o cümlədən Krıma təhlükə yaratmaq məqsədi ilə".

Publika.az xəbər verir ki, bu sözləri ABŞ-ın dövlət katibi Entoni Blinken "CBS News" telekanalına müsahibəsində deyib .

Blinken əlavə edib ki, Avropa ölkələri də öz növbəsində eyni addımları atırlar.

"Ağ Ev gözləyir ki, Ukrayna Silahlı Qüvvələri şərqdə cəbhə xəttini saxlamaqda uğur nümayiş etdirəcək", - dövlət katibi qeyd edib.

Onun fikrincə, Ukrayna ordusu Krımda Rusiya Silahlı Qüvvələrinə təhlükə yaratmaq potensialına malikdir.

Qeyd edək ki, Rusiya Müdafiə Nazirliyi şənbə günü, mayın 11-də Rusiya hərbçilərinin Xarkov vilayətində beş yaşayış məntəqəsini nəzarətə götürdüyünü açıqlayıb. Söhbət Borisovka, Pletenevka, Pılnaya, Ogurtsovo və Streleçedən gedir. Bunun fonunda 4000-dən çox insan bölgədən təxliyə edilib.

Hüseyn İbadlı