Paytaxtda yeni tikililərin satışı çökdü

Kütləvi güzəştli ipotekaların ləğvindən sonra Rusiyanın paytaxtı Moskvada və regionda yeni tikililərin satışı çöküb.

Publika.az xəbər verir ki, bu barədə RBC ekspertləri məlumat yayıb.

Dataflat xidmətinin məlumatına görə, güzəştli ipotekanın ləğvindən sonra ilk ayda Moskva vilayətində mənzillərlə bağlı 10,9 min əməliyyat qeydə alınıb. Bu, iyun ayı ilə müqayisədə 40 faiz, 2023-cü ilin analoji dövrü ilə müqayisədə isə 18 faiz azdır. Digər şirkətlər də oxşar məlumatları təqdim edirlər.

Paytaxtın köhnə sərhədləri daxilində yeni mənzillərin satışı ay ərzində 31 faiz, il ərzində isə 19 faiz azalıb. Yeni Moskvada yeni binalar iyulda iyun ayına nisbətən 41 faiz, 2023-cü ilin iyul ayına nisbətən isə 12 faiz az alınıb. Tələb ən çox Moskva vilayətində azalıb - ay ərzində 50 faiz, il ərzində isə 30 faiz.

Ekspertlər ipoteka əməliyyatlarının payının azaldığını da qeyd edirlər. Moskva vilayətində iyul ayı üçün orta hesabla bu rəqəm 12 faiz bəndi azalaraq 73 faizə düşüb. Bu dinamika ipoteka kreditlərinin əlçatanlığının azalması ilə bağlıdır. Bununla belə, ekspertlər tələbatın artacağını gözləyirlər. Ailə ipoteka proqramına düşən müştərilər əsasən yeni tikililərə maraq göstərəcəklər.

Tural