"iPhone 16" bu ölkədə satış rekordu vurdu - Azərbaycanda DAHA BAHADIR

Rəsmi satışlar başlayandan sonra "Avito"da "iPhone 16" seriyasından 1500-dən çox smartfon satılıb.

Publika.az xəbər verir ki, bu barədə Gazeta.tu-ya təsnifat agentliyinin mətbuat xidməti məlumat verib.

Satışların başlamasından sonrakı ilk gün ərzində satıcılar yeni modelin satışı və ya əvvəlcədən sifarişi üçün platformada 18 mindən çox elan yerləşdiriblər. Ümumilikdə, iki gündə keçən ilin eyni dövründə satılan "iPhone 15"dən təxminən 11 dəfə çox "iPhone 16" satılıb.

Ən populyar model isə satışların 61%-ni təşkil edən "iPhone 16 Pro Max" olub. İkinci ən populyar smartfon 26% payla "iPhone 16 Pro" olub. Baza modeli "iPhone 16" satışların 11%-ni təşkil edib, "iPhone 16 Plus" isə cəmi 2% payla ən az populyar olub.

Ən məşhur "iPhone 16 Pro Max" modeli 200 min rubl (3100 AZN) qiymətinə satılır. Minimum yaddaş miqdarı olan "iPhone 16 Pro"nu 160 min rubla (2480 AZN) almaq olar. Daha sadə bir "iPhone 16 Plus" modeli 120 min rubl (1860 AZN) qiymətinə alına bilər, lakin onun satışı üçün xeyli az təklif var. Əsas "iPhone 16"nın qiyməti 100 min rubldan (1550 AZN) başlayır və daha böyük versiyasından daha populyardır.

Qeyd edək ki, “Iphone 16” (sadə) 3200 AZN, “Iphone 16 Plus” 3700 AZN, “Iphone 16 Pro” 4000 AZN, “Iphone 16 Pro Max” 5000 AZN, “Iphone 16 Pro Max”ın 1 TB yaddaşlısı isə 6000 AZN-ə satılır.

Hüseyn İbadlı