MDB

Putin ABŞ-dakı səfiri geri çağırdı

10 Oktyabr 2024 13:05

Rusiya prezidenti Vladimir Putin Anatoli Antonovun Rusiya Federasiyasının Amerika Birləşmiş Ştatlarındakı səlahiyyətli səfiri vəzifəsindən, habelə Rusiyanın Vaşinqtonda Amerika Dövlətləri Təşkilatında daimi müşahidəçisi vəzifəsindən istefası haqqında fərman imzalayıb.

Publika.az xəbər verir ki, fərman oktyabrın 10-da dərc olunub.

Xatırladaq ki, oktyabrın 7-də Rusiya prezidentinin köməkçisi Yuri Uşakov bildirib ki, Anatoli Antonovun özü qayıtmağı xahiş edib. O, həmçinin diplomatın “diplomatik münasibətlərin praktiki olaraq sıfıra yaxın olduğu” çətin şəraitdə işlədiyini qeyd edib.

Səfirin işini qiymətləndirən Uşakov bildirib ki, o, bu işi uğurla başa vurub.

Qeyd edək ki, Anatoli Antonov 2017-ci ildə Rusiyanın ABŞ-dakı diplomatik missiyasına rəhbərlik edib. Bundan əvvəl o, Rusiya xarici işlər nazirinin müavini və müdafiə nazirinin müavini vəzifələrində çalışıb.

Adəm Abbaslı