Sövdələşmə bölgəsi: Ukrayna ordunu bu əraziyə toplayır - Kiyevin planı nədir?

Ukrayna Silahlı Qüvvələri (AFU) ehtiyat hissələrin Kursk vilayətinə köçürülməsinə qərar verib.

Publika.az xəbər verir ki, bu barədə “Axmat” xüsusi təyinatlı qüvvələrinin “Press” birləşmiş artilleriya qrupunun komandiri məlumat verib.

Onun sözlərinə görə, Ukrayna əks-hücuma keçmək üçün ehtiyatdan istifadə etmək istəyir. Belə ki, sərhəd bölgəsində hazırda Ukrayna Silahlı Qüvvələri bütün mövcud qüvvə və ehtiyatlardan istifadə edir.

"Bütün piyada döyüş maşınları xarici istehsaldır”, - komandir deyib.

Hərbçinin verdiyi məlumata görə, Ukrayna Silahlı Qüvvələri Şimal qoşun qrupunun mövqelərinə hücum etməyə cəhd etsə də, uğursuz alınıb.

Rusiya Dövlət Dumasının beynəlxalq məsələlər komitəsi sədrinin birinci müavini Aleksey Çepa “Lenta.ru” ilə söhbətində Ukrayna ordusunun hərəkətlərini şərh edib. Onun sözlərinə görə, Ukrayna hakimiyyəti hər hansı ərazi müzakirələri olacağı təqdirdə Kursk vilayətini alver obyekti hesab edir.

“Onların vəzifəsi bir tərəfdən Ukrayna Silahlı Qüvvələrinin imkanlarını nümayiş etdirməkdir. Digər tərəfdən, onlar hesab edirlər ki, hər hansı danışıqlar olacağı təqdirdə Kursk vilayəti sövdələşmə obyekti olsun. Müəyyən ərazi müzakirələri olarsa, bundan istifadə edəcəklər. Ona görə də onlar Kursk vilayətinə çox diqqət yetirirlər”, - Çepa deyib.

Tural