4 saata yaxın davam edən Putin-Uitkoff görüşü başa çatdı - YENİLƏNDİ

Rusiya Prezidenti Vladimir Putin ilə Ağ Evin xüsusi elçisi Stiv Uitkoff arasında Kremldə keçirilən görüş başa çatıb.

Publika.az xəbər verir ki, bu barədə Kremlin mətbuat xidməti məlumat yayıb.

Bildirilib ki, danışıqlar 3,5 saatdan çox davam edib.

Rusiya dövlət başçısı 22 yanvar axşamı Amerika nümayəndə heyəti ilə görüşüb. ABŞ Baş Xidmətlər Administrasiyasının Federal Satınalma Xidmətinin komissarı Coş Qruenbaum danışıqlarda ilk dəfə iştirak edib.

Rusiya Prezidentinin köməkçisi Yuri Uşakov və Rusiya liderinin xüsusi nümayəndəsi Kirill Dmitriyev Amerika nümayəndə heyəti ilə görüşdə iştirak ediblər.

xxx

01:11

Rusiya Prezidenti Vladimir Putinlə ABŞ Prezidenti Donald Trampın xüsusi elçisi Stiv Uitkof arasında danışıqlar başlayıb.

Publika.az xəbər verir ki, bu barədə Kremlin "Telegram" kanalında məlumat verilib.

Uitkoffun təyyarəsi 22 yanvar axşamı Moskvanın Vnukovo hava limanına eniş edib. Danışıqlarda Trampın kürəkəni Cared Kuşner də ona qoşulacaq .

Putin dondurulmuş Rusiya aktivlərini Uitkoff və Kuşnerlə müzakirə edəcəyini açıqlayıb.

Rusiya Prezidentinin mətbuat katibi Dmitri Peskov əsas müzakirə mövzusunun Ukraynadakı münaqişənin həlli olacağını bildirib. Lakin Kremlin sözçüsü söhbətin digər əlaqəli mövzular ətrafında da davam edəcəyini istisna etməyib.

Hüseyn İbadlı