MDB

Zooparkda dəhşət- Heyvana şüşəli alma verdilər - FOTO

27 Sentyabr 2025 16:10

Rusiyanın Novosibirsk Zooparkının işçiləri içərisinə şüşə yerləşdirilmiş alma aşkar ediblər. Meyvə heyvana verilibmiş.

Publika.az xəbər verir ki, bu barədə zooparkın administrasiyası özünün Telegram kanalında məlumat yayıb

"Sentyabrın 23-də "Malıe Xrustı" meydançasında ev heyvanlarının saxlandığı ərazidə içərisində böyük şüşə parçası olan alma aşkar edilib. Bu, çox xoşagəlməz, hətta dəhşətli tapıntıdır... Görünür, kimsə bilərəkdən heyvanlara zərər vermək istəyib və zooparka bədxah niyyətlə gəlibmiş", - məlumatda qeyd edilib.

O da qeyd edilib ki, zooparkda heyvanların qidalanması üçün iki sahə ayrılıb. “Malıe Xrustı” ərazisi də onlardan biridir. Bununla belə, ziyarətçilərin heyvanlara özləri ilə gətirdikləri hər hansı yeməyin heyvanlara atılmasına icazə verilmir. Qaydalara görə, onlar yalnız zooparkda satılan yeməklərdən seçim edə bilərlər.

Tural