Stalin BMT-nin baş qərargahını bu şəhərdə yerləşdirmək istəyirmiş...

Sovet lideri İosif Vissarionoviç Stalin BMT-nin baş qərargahının Soçidə yerləşdirilməsi təklifini irəli sürüb.

Publika.az xəbər verir ki, bu barədə Rusiyanın xarici işlər naziri Sergey Lavrov BMT Baş Assambleyasının 80-ci sessiyasının yüksək səviyyəli həftəsində iştirakından sonra keçirilən mətbuat konfransında məlumat verib.

"Bir əfsanə var ki, ilk dəfə qlobal təşkilatın yaradılması zərurəti ilə bağlı danışıqlar gedəndə İosif Vissarionoviç BMT-nin baş qərargahının Soçiyə gətirilməsi üçün fəal lobbiçilik edirdi", - o deyib.

1946-cı ildə Nyu-York rəsmi olaraq BMT-nin Baş Qərargahının yeri olaraq seçilib. BMT-nin qərargahının ABŞ -da yerləşməsi dünya təşkilatı ilə Vaşinqton arasında Baş Assambleya tərəfindən 31 oktyabr 1947-ci ildə qəbul edilmiş saziş (169 saylı qətnamə) ilə tənzimlənir .

Bundan əvvəl Kolumbiya Prezidenti Qustavo Petro BMT qərargahının Nyu-Yorkdan köçürülməsinə çağırıb. O, BMT Baş Assambleyasında iştirak edən prezidentlərin tam toxunulmazlıqdan istifadə etdiyini vurğulayıb.

Hüseyn İbadlı