Soçidə dağa qalxan turistlərdən biri öldü, digəri yaralandı
Bizi izləyin
Aptekonline

MDB

Soçidə dağa qalxan turistlərdən biri öldü, digəri yaralandı

Soçidə dağa qalxan turistlərdən biri öldü, digəri yaralandı

Soçidə Fişt dağına qalxan turistlərdən biri ölüb, biri isə yaralanıb.

Publika.az xəbər verir ki, bu barədə Rusiya Fövqəladə Hallar Nazirliyinin "Telegram" kanalında məlumat verilib.

Məlumata görə, iki alpinist Fişt dağının şimal yamacına qalxarkən qayadan yıxılıb. Onlardan biri aldığı xəsarətlər səbəbindən müstəqil hərəkət edə bilmir, digəri isə dünyasını dəyişib.

Qrup rəhbəri hadisə barədə Rusiya FHN-ə məlumat verib. Qeydiyyatdan keçmiş tur qrupunda altı nəfər olub.

Nazirliyin Ka-32 təyyarəsi turistlərə kömək etmək üçün Cənub Regional Axtarış və Xilasetmə Qrupunun xilasedicilərini və həkimini dağın şimal yamacına çatdırıb. Yaralı şəxs təhlükəli qayalıq ərazidən qrupun qalan hissəsinin yerləşdiyi gecələmə düşərgəsinə təxliyə edilib. Həlak olan şəxsin nəşi də düşərgəyə aparılıb.

Hava şəraiti nəzərə alınaraq dağdakı bütün turistlər təxliyə ediləcək.

Ləman

Oxumağa davam et
Reklam
Reklam

Gündəm

Aptekonline