Yaxın Şərq

Müqtəda əs-Sadr: “ABŞ-la müzakirələr dayandırılsın”

9 İyul 2018 05:43

İraqın “Sadr” Hərəkatının lideri Müqtəda əs-Sadr ölkədəki siyasi qruplardan hökumətin qurulması işlərində ABŞ və qonşu ölkələrlə müzakirələrin aparılmamasını istəyib.

Publika.az xarici mediaya istinadən xəbər verir ki, şiə dini lideri hökumətin qurulmasını iraqlıların daxili işi adlandırıb.

O, daha əvvəlki bəyanatında “İraqın nə şərq, nə qərb, nə şimal, nə də cənubdan - sərhəd xaricindən idarə olunmasına icazə vermərik” söyləmişdi. Bu bəyanatın ilk növbədə, İrana ünvanlandığı bildirilir. KİV-in yazdığına görə, İran özünə yaxın şiə qrupları ilə koalisiya hökumətinin qurulması üçün Müqtəda əs-Sadra təzyiq göstərir.

Qeyd edək ki, mayın 12-də keçirilən parlament seçkilərində “Sadr” hərəkatı qələbə qazanıb. Seçki saxtakarlıqları və seçici aktivliyinin olduqca aşağı olması seçkilərə damğasını vurub.

Seçkilərdən iki ay vaxt keçməsinə baxmayaraq, hökuməti indiyə kimi qurmaq mümkün olmayıb.

Ömər