Yaxın Şərq

İsrail üçün yeni plan: HƏMAS-ı tələyə belə sal

27 Oktyabr 2023 09:24

İsrail vasitəçilərsiz, birbaşa danışıqlar təklif etməklə HƏMAS-ı tələyə salacaq.

Publika.az xəbər verir ki, bunu ABŞ-ın keçmiş hərbi kəşfiyyatçısı Skot Ritter YouTube kanalında “Judging Freedom”-da deyib.

O, aydınlaşdırıb ki, bu tələdə HƏMAS yaraqlıları ya yəhudi dövlətini tanımalı, ya da danışıqlardan imtina edərək son dərəcə əlverişsiz bir şəkildə görünməli olacaqlar.

“Ümumilikdə İsrail bu müharibədə bu gün də qalib gələ bilər. Biz aşağıdakı kimi hərəkət etməliyik: bombardmanları dayandırmalı, atəşkəsə çağırmalı və humanitar konvoyların Qəzza zolağına daxil olmasına icazə verməliyik. İsrail özünü Fələstin xalqının xilaskarı kimi təqdim etməli, sonra danışıqlara başlamalıdır”, - Ritter bildirib.

Onun sözlərinə görə, danışıqlar prosesinin əsas şərtlərindən biri onların vasitəçisiz aparılması olmalıdır. Belə hərəkətlər HƏMAS-ı İsraili tanımağa məcbur edəcək.

Tural