Bu ölkə ABŞ, İsrail və İrana xəbərdarlıq etdi: İcazə verməyəcəyik

İordaniya İsrailə gözlənilən hücum fonunda q edib ki, heç bir tərəfə onun hava məkanından istifadə etməyə icazə verməyəcək.

Publika.az xəbər verir ki, bu barədə “Sky News Arabia” öz mənbəsinə istinadən məlumat yayıb.

Bundan əvvəl İordaniyanın baş naziri Bişer əl-Xasavnə aprelin 14-nə keçən gecə İranın İsrailə hücumu zamanı İordaniyanın hava hücumundan müdafiə sistemlərinin krallığın hava məkanında olan “uçan obyektləri” vurduğunu bildirib.

“Wall Street Journal” yazıb ki, İsrail yalnız ABŞ və ərəb tərəfdaşlarının köməyi sayəsində İranın hücumuna tab gətirə bilib. Qeyd olunub ki, pilotsuz təyyarələrin məhv edilməsində Amerika, Böyük Britaniya və İordaniya hərbi təyyarələri xüsusilə mühüm rol oynayıb.

“İordaniya Birləşmiş Ştatlar, İsrail və İrana, tərəflərdən heç birinə öz hava məkanından istifadə etməyə icazə verməyəcəyi barədə xəbərdarlıq edib”, - bəyanatda deyilir.

İyulun 31-də HƏMAS hərəkatın Siyasi Bürosunun rəhbəri İsmayıl Haniyənin İranın yeni prezidentinin andiçmə mərasimində iştirak etmək üçün gəldiyi Tehrandakı iqamətgahına hücum nəticəsində öldüyünü elan edib.

Hərəkat Haniyənin ölümündə İsrail və ABŞ-ı günahlandırıb və hücumun cavabsız qalmayacağını bildirib.

Tural