Bu ölkə İsraillə sərhədə hərbi birləşmələr yerləşdirir

Livan BMT sülhməramlıları ilə birlikdə İsraillə sərhəddə iki şəhər və altı qəsəbəyə hərbi birləşmələr yerləşdirməyə başlayıb.

Publika.az xəbər verir ki, bu barədə ordunun mətbuat xidməti məlumat yayıb.

Hərbçilər Bint Cbeil və Teir Harfa şəhərlərinə, Aytarun, Alma al-Şaab, Majdal Zun, Ed-Duheira, Əl-Kuzah və Əl-Salxani kəndlərinə daxil olublar.

“Hərbi komandanlıq sakinləri hərbi hissələrin yeridilməsi başa çatana qədər bu ərazilərə qayıtmaqdan çəkinməyə çağırır”, - deyə məlumatda bildirilir.

Siyahıda qeyd olunan yaşayış məntəqələrində əvvəllər Livanın "Hizbullah" hərəkatının yeraltı tunelləri və anbarlarını ləğv edən İsrail Müdafiə Qüvvələrinin bölmələri olub .

Noyabrın 26-da İsrail Livanla atəşkəs sazişi imzalayıb. Müqavilələr İsrail qoşunlarının 60 gün ərzində Livan ərazisindən çıxarılmasını nəzərdə tuturdu. Eyni zamanda, ölkənin cənubunda "Hizbullah"ın infrastrukturu bərpa olunmayacaq.

İsrailin milli təhlükəsizlik naziri İtamar Ben-Qvir razılaşmanı “tarixi səhv” adlandırıb. O vurğulayıb ki, Livanı tərk etmək üçün İsrailə öz ərazisinə raket hücumlarının qarşısını alacaq “təhlükəsizlik kəməri” lazımdır.

Hüseyn İbadlı