Nəqliyyat

Bəzi dövlətlər COVID-19 pasportu tələb edir - Arif Məmmədov

11 İyun 2020 17:24

Biz xarici hava limanlarının təcrübəsini izləyirik.

Publika.az xəbər verir ki, bunu Nəqliyyat, Rabitə və Yüksək Texnologiyalar Nazirliyi yanında Dövlət Mülki Aviasiya Agentliyinin direktoru Arif Məmmədov Operativ Qərargahın bugünkü brifinqində deyib:

"Təyyarə biletlərinin satışı öncədən başlamalıdır, buna görə də sərnişinlərə əvvəlcədən məlumat göndərmək lazımdır. Bu səbəblə xarici ölkələrin hava limanlarına tələbləri göndərmişik ki, tanış olsunlar. Paralel olaraq xarici dövlətlərin tələbləri bizə göndərilib və onlarla tanış olmuşuq".

O bildirib ki, bəzi dövlətlər COVID-19 pasportunun tələb olunacağını bildirib: "Eyni zamanda bəziləri sərnişinlərin karantinə alınacağını bildirib. Məhdudiyyətlərə baxmayaraq uçuş heyətinin qorunun saxlanılması, uçuşa dair şəhadətnamələrin saxlanması üçün tədbirlər görülüb. Bütün texniki heyət uçuşa hazırdır".