Nida.az
SSRİ-nin ikinci şəxsi: “Heydər Əliyevə xəyanət etmədiyim üçün hava limanında...”
“Heydər Əliyev Azərbaycan Prezidenti kimi Moskvaya gələndə “Vorbyovo” dağlarındakı qonaq evlərində qalırdı. İki dəfə mənə zəng edib yanına çağırıb. Biz görüşmüşük, çay içmişik və köhnə dostlar kimi söhbət etmişik”.
Publika.az xəbər verir ki, bu barədə keçmiş SSRİ
Nazirlər Sovetinin sədri, hazırda senator olan Nikolay Rıjkov
“Moscow-Baku” portalına Azərbaycanın ümummilli lideri Heydər
Əliyevlə bağlı xatirələrini bölüşdüyü müsahibəsində deyib.
Rıjkov bildirib ki, onu Heydər Əliyevlə Baybakov tanış edib:
“Sonradan tale elə gətirdi ki, bizim ikimizi də eyni vaxtda
Moskvaya çağırdılar. Onu Nazirlər Soveti sədrinin birinci müavini,
məni iqtisadiyyat üzrə katib seçdilər. Sonralar gördüm ki, Nazirlər
Sovetində hər şey yaxşı getmir. Ona qarşı məqsədli planlar
hazırlayırdılar. Misal üçün, Nazirlər Sovetinin sədri Tixonov ya
xəstələnəndə, yaxud məzuniyyətə gedəndə səlahiyyətlərini Heydər
Əliyevə yox, Arxipova verirdi. Bu, əlbəttə, çox mənfi münasibət
idi. Lakin mən 1985-ci ildə Nazirlər Sovetinə sədr gəldim və ilk
iclasda elan etdim ki, mən olmayanda səlahiyyətlərimi birbaşa
Heydər Əliyev icra edəcək”.
O, Mixail Qorbaçovun Heydər Əliyevə qarşı təzyiqlərindən də
danışıb: “Münasibət birdən-birə dəyişmədi. Tədricən oldu. Sonradan
mənə aydın oldu ki, Qorbaçov bütün cəhdlərlə onu kənarlaşdırmağa
cəhd edir. Mən həmişə deyirdim ki, birinci müavin kimi Əliyev çox
yaxşı işləyir. Heydər Əliyev çox incə insan idi. O, şəxsi
söhbətlərdə kartları açırdı. Lakin rəsmi vəziyyətdə Siyasi Büronun
qərarlarını yerinə yetirirdi. O, fikrini bildirəndə də çox incə,
diplomatik davranırdı. Anti-alkoqol kampaniyası başlayanda Heydər
Əliyevlə mən eyni fikirdə idik. Biz bunu mənasız hesab edirdik.
Lakin təəssüf ki, biz azlıqda idik, onlar çox idi. Mən onda belə
deyirdim: “Elə təəssürat yaranır ki, sanki biz içkini sevirik,
onlar yox”. Halbuki, əslində hər şey tam əksinə idi. Heydər Əliyev
möhkəm iradəyə sahib idi. Bu həm ailədən gələn amil idi, həm də
həyat təcrübəsindən qaynaqlanırdı. O anlayırdı ki, lovğa insan heç
vaxt müvəffəqiyyət qazanmayacaq, insanları həmişə özündən
uzaqlaşdıracaq. O həm də çox savadlı insan idi”.
Rıjkov istefa verəndən sonra həyat yoldaşı ilə Urala gedərkən
rastlaşdıqları hadisəni xatırlayır. “Mən artıq deputat idim. Biz
“Domodedovo”da deputat otağında təyyarə gözləyirdik. Səhər idi. Bu
vaxt iki nəfər əlində şampan şərabı və qədəhlərlə gülə-gülə
gəldilər. “Nikolay İvanoviç, bizimlə içməyinizi xahiş edirik”
dedilər. Mən gülərək “Səhər vaxtı nəyin sağlığına içək?” soruşdum.
Onların cavabı maraqlı idi: “Biz azərbaycanlıyıq və Əliyevə xəyanət
etmədiyiniz üçün sizə minnətdarıq. Gəlin bunun sağlığına içək”.
"Yaxşı,- dedim,- gəlin səhər-səhər günah işlədək. Çünki buna
dəyər”.
Asif Nərimanlı
-
Magazin123:26
Xumar Qədimova daha bir məşhur şeiri mahnıya çevirdi - VİDEO
-
İnanc23:02
Həcc ziyarəti ilə bağlı zəvvarlara XƏBƏRDARLIQ
-
Region22:37
Başqa çıxış yolumuz yoxdur - Paşinyan
-
Hadisə21:47
Dörd aylıq körpə binadan necə düşüb? - Hadisə yerindən GÖRÜNTÜLƏR
-
Magazin121:35
Günelə nə olub? - Xəstəxanadan görüntüsünü paylaşdı və... - FOTO
-
Hadisə21:10
Qırmızı işıqda keçən nazirin maşını aşdı - FOTO
-
Magazin120:22
Müğənni Yalının qohumu sevgilisi tərəfindən qətlə yetirildi - FOTO
-
Dünya19:57
Zelenski onu yeni vəzifəyə təyin etdi