Nida.az
Diplomatik manevr: Azərbaycan Fars körfəzinə çıxış əldə edir
Prezident İlham Əliyevin İran səfəri ikitərəfli əməkdaşlıq istiqamətində imzalanan bir sıra müqavilələrlə yadda qaldı. Azərbaycan liderinin Tehranda İran prezidenti Həsən Ruhani ilə apardığı müzakirələrdə əsas mövzulardan biri də Şimal-Cənub beynəlxalq nəqliyyat dəhlizi oldu.
Şimal-Cənub beynəlxalq nəqliyyat dəhlizinə dəmir yolu, dəniz,
avtomobil, çay və hava nəqliyyatı ilə daşımaları təmin edən
nəqliyyat infrastrukturu və nəqliyyat vasitələri daxildir. Təkcə
Hindistan istisna təşkil edir ki, onun yalnız dəniz marşrutları ilə
daşımalarda iştirakı nəzərdə tutulur. Proqnozlar göstərir ki, tam
gücü ilə fəaliyyət göstərəcəyi təqdirdə Şimal-Cənub beynəlxalq
nəqliyyat dəhlizi Avropa ölkələrinin, Rusiyanın, Orta Asiya və
Qafqaz regionlarının Fars körfəzi və Hindistana çıxışına, Xəzəryanı
ölkələrin Qara dəniz limanları ilə ticarət əlaqələrinin
intensivləşdirilməsinə şərait yaradacaq. Həmin dəhliz Avropa-Cənubi
Asiya - Yaxın Şərq arasında dəmir yolu daşımalarını, müvafiq olaraq
dəmir yolunun istər yerli, istərsə də tranzit daşımalarından əldə
etdiyi gəlirləri artırmağa imkan verəcək.
Bu ilin əvvəlində İrana səfər edən “Azərbaycan Dəmir Yolları”
QSC-nin sədri Cavid Qurbanov bildirib ki, Şimal-Cənub beynəlxalq
nəqliyyat dəhlizi layihəsi çərçivəsində Azərbaycanla İran arasında
dəmir yolu xətti 2016-cı ilin sonunadək tikiləcək.
“2016-cı ilin sonunadək Azərbaycan ərazisində İranla sərhədə qədər
yolun çatışmayan 7,5 kilometrlik hissəsi və sərhəddə uzunluğu 100
metr olan dəmir yolu körpüsü inşa olunacaq”, - deyə o bildirib.
“Şimal-Cənub nəqliyyat dəhlizi bütün bölgə üçün
önəmlidir”
Prezident İlham Əliyev də Tehrana səfərində mətbuata birgə çıxış
zamanı bildirib ki, Həsən Ruhani ilə bu layihə haqda geniş
müzakirələr aparıb: “Şimal-Cənub nəqliyyat dəhlizinin yaradılması
hər iki tərəfin marağındadır. Biz bu önəmli layihənin həyata
keçirilməsində fəal iştirak edirik, öz səylərimizi qoyuruq.
Şimal-Cənub nəqliyyat dəhlizi nəinki İran və Azərbaycan, bütün
bölgə üçün önəmlidir. Ümumiyyətlə, demək istəyirəm ki, bizim
siyasi, iqtisadi əlaqələrimiz, konkret layihələrin icrası, eyni
zamanda, bölgədə sabitliyin möhkəmlənməsinə xidmət göstərəcək və
göstərir”.
“Biz Oman dənizindən, Hind okeanından tutmuş Asiyadan
Avropaya qədər körpülərimizi birləşdirə bilərik”
İran prezidenti Həsən Ruhani da Azərbaycanla nəqliyyat
layihələrindən danışarkən deyib ki, Azərbaycan Respublikası, o
cümlədən İran elə bir coğrafi mövqedə yerləşir ki, onlar bir-biri
üçün keçid-körpü ola bilər: “Biz Oman dənizindən, Hind okeanından
tutmuş Asiyadan Avropaya qədər körpülərimizi birləşdirə bilərik.
Biz Azərbaycan və Qafqaz vasitəsilə Avropa ilə birləşə bilərik.
Azərbaycan da İran vasitəsilə cənub dənizləri ilə, okeanlarla
birləşmiş olar. Biz gərək bu dəhlizdən çox yaxşı istifadə edək,
bundan faydalanaq və bunu daha da genişləndirək və çalışaq ki,
bir-birimizə kömək etməklə Qəzvin-Rəşt və Rəşt-Astara dəmir yolunun
tikintisinə və birləşməsinə nail olaq. Biz bu dəhliz vasitəsilə
Qara dənizə və Avropaya, Rusiyaya çıxaq, onların dəmir yolu
sisteminə birləşək. Biz bu sahədə əməkdaşlıq etməliyik”.
Azərbaycan liderinin İrana səfəri və ikitərəfli münasibətlərdə daha
bir səhifənin açılması ölkəmizin regional əhəmiyyətini daha da
artırdı. Xüsusilə nəqliyyat layihələrində əsas yer almaq
Azərbaycana həm iqtisadi, həm də siyasi cəhətdən divident
qazandıracaq. Hesab etmək olar ki, Azərbaycan həm Fars körfəzinə,
həm də Qara dənizə çıxış imkanı əldə edir.
“Ölkəmiz Fars körfəzinə, oradan da Hind okeanına çıxmaq
imkanı əldə edir”
Milli Məclisin deputatı Musa Qasımlı deyir ki, Prezident İlham
Əliyevin İran İslam Respublikasına rəsmi səfəri həm ikitərəfli, həm
regional və beynəlxalq münasibətlər baxımından xüsusi əhəmiyyət
kəsb edir.
“Səfər zamanı Şimal-Cənub dəhlizinin, Astara-Astara dəmiryol
xəttinin tikintisinə dair imzalanan sənəd müstəsna əhəmiyyət
daşıyır. Şərq və Qərb arasında körpü olan Azərbaycan bu sənəd
reallaşdırıldıqdan sonra Şimal və Cənub arasında da etibarlı,
sərfəli və əlverişli tranzitə çevrilir, ölkəmiz Fars körfəzinə,
oradan da Hind okeanına çıxmaq imkanı əldə edir. Yeni dəmiryolu
xəttinin tikintisi və işə salınması ölkəmizə əlavə gəlirlər
gətirəcək, iqtisadiyyatımızın neftdən asılılığını xeyli azaldacaq,
əlavə iş yerləri açılacaq, vətəndaşlarımızın həyat şəraitinin daha
da yaxşılaşdırılmasına kömək edəcək, dövlətimizin beynəlxalq
nüfuzunu və mövqelərini möhkəmləndirəcək”, - deyə deputat
bildirib.
“Fars körfəzinə çıxış mübarizəsində Sarkisyan məğlub
olub”
Qeyd edək ki, Prezident İlham Əliyevin siyasi manevrləri ilə
Azərbaycanın Fars körfəzinə və Hind okeanına çıxış əldə etməsi
regionda ən çox Ermənistanı narahat edir. Çünki İran üzərindən
sanksiyalar aradan qalxandan sonra Ermənistan böyük dividentlər
əldə edəcəyini düşünürdü. Lakin rəsmi Bakının cəld və ağıllı
addımları ermənilərin xəyallarını puça çıxartdı. Bunu erməni
ekspertlər də etiraf edirlər.
Misal üçün, İranşünas ekspert Emma Beqidjanyan Sarkisyan rejimini
tənqid edərək, onu “dil pəhləvanı” adlandırıb: “Ermənistan hökuməti
dildə danışmağı çox sevir, amma diplomatiyaya gələndə heç nə edə
bilmirlər. Bunu Azərbaycan-İran münasibətlərində aydın gördük.
Azərbaycan prezidenti Ruhani ilə son dövrlər 4 dəfə görüşüb, hər
iki ölkədən bir-birinə 50 yüksək vəzifəli şəxs baş çəkib”.
Erməni ekspert qeyd edib ki, Fars körfəzinə çıxış uğrunda aparılan
mübarizədə Serj Sarkisyan məğlub olub.
Asif
-
Magazin123:26
Xumar Qədimova daha bir məşhur şeiri mahnıya çevirdi - VİDEO
-
İnanc23:02
Həcc ziyarəti ilə bağlı zəvvarlara XƏBƏRDARLIQ
-
Region22:37
Başqa çıxış yolumuz yoxdur - Paşinyan
-
Hadisə21:47
Dörd aylıq körpə binadan necə düşüb? - Hadisə yerindən GÖRÜNTÜLƏR
-
Magazin121:35
Günelə nə olub? - Xəstəxanadan görüntüsünü paylaşdı və... - FOTO
-
Hadisə21:10
Qırmızı işıqda keçən nazirin maşını aşdı - FOTO
-
Magazin120:22
Müğənni Yalının qohumu sevgilisi tərəfindən qətlə yetirildi - FOTO
-
Dünya19:57
Zelenski onu yeni vəzifəyə təyin etdi