Nida.az
Putin Avropanı aldadıb: Qərb - Rusiya qaz müharibəsində Bakı faktoru
“Cənub qaz” layihəsindən tamamilə imtina edilməsi şübhəli görünür.
Publika.az xəbər verir ki, bu barədə Litvanın
“Geopolitika” nəşri yazıb.
Nəşr layihədən imtina haqda yüksək səviyyəli rus siyasətçilərin
açıqlama verməsinə baxmayaraq, bunun xəstə haqda lətifəni
xatırladığını bildirir: “Ehtimal var ki, canlıdır, lakin artıq
ölüb”.
Qeyd edək ki, Ankara səfəri zamanı Vladimir Putin bu layihədən
imtina etdiyini açıqladı və Rusiya qazının Avropaya çıxarılması
marşrutu kimi Türkiyə ərazisini göstərdi. Avropanın qaz
təchizatında paya malik olan Azərbaycan üçün enerji xəritəsindəki
bu dəyişiklik vacibdir. Bakıda prosesləri ciddi şəkildə izləyirlər.
“Cənub qaz dəhlizi” Moskva layihələrindən yan keçsə də, Rusiya
qazının Azərbaycan qazının keçdiyi Türkiyə marşrutu ilə getməsi
planları Bakını düşündürən məsələlərdəndir.
Burda pis və yaxşı olmaqla iki variant var: Birincisi, Rusiya
qazının Türkiyəyə vasitəsilə Avropaya çıxarılması Azərbaycanın
enerji bazarına mənfi təsir edə bilər.
İkincisi, Rusiya qazı Türkiyəyə qədər gətirilir, oradan isə Bakı və Ankaranın birgə layihəsi olan TAP-a qoşularaq Avropaya çıxır. Bu Bakıya əlavə siyasi və iqtisadi dividentlər gətirə bilər.
Hələlik bu variantlardan hansının həqiqət olduğunu demək çətindir. Daha çox üçüncü variant önə çəkilir: Bakı və Moskva qazı ayrı-ayrı marşrutlarla gedəcək və bir-birinə təsir etməyəcək.
Dünyada enerji xəritəsinin dəyişdiyinə dair fikirlər gücləndiyi bir
vaxtda, Rusiyanın “Cənub axını” layihəsindən imtina etməməsi haqda
xəbərlər də mütəmadi olaraq peyda olur. Bu ehtimalı gücləndirən
səbəblər də var.
Misal üçün, Rusiyanın “Qazprom” şirkətinin saytında sonuncu xəbər
ötən ilin 24 noyabr tarixində şirkətin İtaliyanın ENİ şirkəti ilə
əməkdaşlığı müzakirə etməsi haqdadır.
Dekabrın 2-də isə Putin və şirkətin rəhbəri Miller Ankarada “Cənub axını” layihəsinin bağlanması haqda açıqlama versələr də, şirkətin saytında bu haqda heç bir məlumat yerləşdirilməyib.
Məlumatlara görə, Rusiya Qara dənizin dibi ilə Türkiyəyə qaz kəməri
çəkərək, onu Yunanıstana qədər uzatmaq və qazını Cənubi Avropaya
çıxarmaq istəyir. Lakin “Bloomberg” bu layihəni qeyri-real hesab
edir.
Digər tərəfdən, Ukrayna münaqişəsindən sonra Rusiyanın imici ciddi
zədələnib və Avropada rus qazına tələbat aşağı düşüb.
“Məhz buna görə, Avropa Birliyi alternativ enerji mənbələri
axtarışındadır. Əsas mənbələrdən biri də Türkiyənin müttəfiqi
Azərbaycandır”, - “Bloomberg” yazır.
“Cənub axını” müəmmasında daha çox Türkiyənin marağı görünür.
Prinsip etibarilə Ankara Rusiya ilə daha sıx bağlanmaq istəyir.
Lakin bu, onun Rusiyanın “qaz iynəsinə” oturmağa qərar verməsi
demək deyil. Türkiyə həqiqətən də öz qaz idxalını diversifikasiya
edir. Yəni, təkcə “Qazprom” yox, İran və Azərbaycandan da mavi
yanacaq alır. Planlarda Türkmənistan və Əlcəzairdən SPQ
(mayeləşdirilmiş qaz - red) qazının alınması da var.
“Bloomberg” yazır ki, Rusiya qazının Türkiyədən keçməsində
Moskvadan çox Ankara maraqlıdır. O həm də daha ucuz qiymətə qaz
əldə edəcək. Ehtimal var ki, Ankara buna nail olacaq. Xüsusilə
Rusiyanın üzləşdiyi hazırki situasiyada bunda Moskva da maraqlıdır.
Bütün hallarda Rusiya üçün Çin variantından fərqli olaraq, Türkiyə
variantı daha effektlidir.
Nəşr Bakı qazının taleyi haqda iddialara da toxunur. Qeyd edir ki,
Rusiya qazının Türkiyədən keçsə belə, Azərbaycan qazı əhəmiyyətini
itirməyəcək. Çünki Avropa Rusiyadan fərqli enerji mənbələrində daha
çox maraqlıdır. Digər tərəfdən, müttəfiq olaraq Türkiyə də son
məqamda Azərbaycanın marağını müdafiə edəcək.
Asif Nərimanlı
-
Dünya14:01
Sensasion iddia: Asiyada müharibə bu paslı gəmiyə görə başlayacaq - FOTO
-
Nida Xəbər 13:32
İlham Əliyev Almaniyada mühüm tədbirdə çıxış etdi - Yeniləndi
-
Nida Təhlil 13:10
Türkiyə hərbçiləri Qarabağa niyə gətirilmişdi? - Əliyevin strateji planı
-
Sosial12:58
Sabah 32 dərəcə isti olacaq
-
Nida Xəbər 12:16
XİN Avropa Parlamentinə cavab verdi
-
Nida Xəbər 10:29
Qriqoryan İrana hesabat verdi: Delimitasiya ilə bağlı
-
Nida Təhlil 09:26
Füzulidən Berlinə uçuş: Əliyevin təyyarəsi niyə Qarabağdan qalxdı?
-
Sosial08:42
Azərbaycanda general vəfat etdi