Nida Təhlil
Tehran sammiti: İlham Əliyev, Ruhani və Putindən böyük həmlə
Tehranda Azərbaycan-İran-Rusiya üçtərəfli formatda
görüşü baş tutdu. Hər üç ölkənin liderinin iştirak etdiyi görüş
regional sabitliyin, təhlükəsizliyin təmin edilməsi, bölgədə
əməkdaşlıq mühitinin stimullaşdırılması, ölkələr arasında
iqtisadi-ticari əlaqələrinin, enerji və nəqliyyat sahəsində mövcud
olan əməkdaşlığın daha da inkişaf etdirilməsi və digər aktual
məsələlərin həlli üçün mühüm əhəmiyyətə malik platformadır.
Publika.az xəbər verir ki, Azərbaycan, İran və Rusiya
arasında səmimi dostluq əlaqələri, qarşılıqlı hörmət və səmərəli
əməkdaşlıq regionun aktual məsələlərinin həlli üçün böyük önəm
daşıyır. Bu dostluq əlaqələri siyasi və iqtisadi münasibətlərə də
müsbət mənada sirayət edir. Tehranda keçirilən üçtərəfli görüş
bunun bariz nümunəsi hesab oluna bilər.
Ümumiyyətlə, qlobal transmilli layihələrin təşəbbüskarı və onların
reallaşmasında lider mövqeyə malik Azərbaycan regionda ikitərəfli
və üçtərəfli əməkdaşlıq formatlarının da əsas təşəbbüskarı və
aparıcı fiqurudur. Tehran sammitindən öncə Bakıda baş tutan
Bakı-Tbilisi-Qars dəmiryolunun açılış mərasimi da buna bariz
nümunədir.
Bu gün regionda aktiv fəaliyyət göstərən Azərbaycan-İran-Rusiya,
Azərbaycan-İran-Türkiyə, Azərbaycan-Gürcüstan-Türkiyə və digər
formatlar Azərbaycanın təşəbbüsü ilə yaranıb.
Azərbaycan Respublikasının Prezidenti cənab İlham Əliyev son günlər
ərzində region dövlətlərinin rəhbərləri ilə görüşmüş və bütün
sahələr daxil olmaqla qarşılıqlı səmərəli əməkdaşlığın inkişaf
etdirilməsi məsələlərini müzakirə edibdir. Ekspertlər hesab edirlər
ki, Azərbaycan liderinin təşəbbüskarı olduğu bütün bu görüşlər
çərçivəsində əldə olunmuş razılaşmalar yaxın gələcəkdə region üçün
olduqca pozitiv nəticələr vəd edir. Bu, Azərbaycanın regionda lider
rolunu, bölgədə təhlükəsizliyin təmin edilməsi və siyasi-iqtisadi
əlaqələrin inkişafında oynadığı rolu aydın şəkildə nümayiş
etdirir.
Azərbaycan-İran-Rusiya üçtərəfli görüşü zamanı ilk növbədə regional
təhlikəsizlik məsələləri müzakirə olundu, bölgədə və daha geniş
coğrafiyada sabitliyin təmin olunmasında, terririzm, separatizm və
digər bu kimi bəşəriyyəti təhdid edən hallarla mübarizədə birgə
əməkdaşlığın inkişaf etdirilməsi və səylərin gücləndirilməsi
vurğulandı.
Gündəlikdə duran digər məsələ kimi üçtərəfli və ikitərəfli
formatda iştirakçı ölkələr arasında iqtisadi-ticari sahədə
əməkdaşlığın nəticələri nəzərdən keçirildi, bu istiqamətdə olduqca
müsbət dinamikanın olduğu qeyd edildi və qarşıdan gələn dövr üçün
potensial imkanlar nəzərdən keçirildi. Əsas diqqət enerji, gömrük,
bankçılıq, yeni texnologiyalar, müştərək investisiyaların
yatırılması, kənd təsərrüfatı və digər məsələlərə
yönəldilibdir.
Üç ölkə arasında enerji, neft-qaz hasilatı və ixracı sahəsində
əməkdaşlığın inkişaf etdirilməsi üçün müvafiq tədbirlər müzakirə
mövzusu olunubdur. Azərbaycan, İran və Rusiyanın enerji
şəbəkələrinin birləşdirilməsi və bunun praktiki nəticələri müsbət
qiymətləndirilib. Qarşıdan gələn dövrdə neft-qaz sahəsində
əməkdaşlığın inkişaf etdirilməsi, bu sahədə yeni texnologiyaların
tətbiqi və digər məsələlər nəzərdən keçirilibdir.
Hazırda Şimal-Cənub və Şərq-Qərb nəqliyyat dəhlizlərinin
formalaşdırılması istiqamətində görülən işlər, qarşıda duran
vəzifələr, bu marşrutların yaratdığı geniş imkanlar, regionun
iqtisadi inkişafında oynayacağı rol və digər bu kimi məsələlər
müzakirə olunubdur. Transmilli nəqliyyat layihələrinin müzakirəsi
zamanı yeni fəaliyyətə başlamış Bakı-Tbilisi-Qars dəmir yolu
layihəsinin perspektivi də nəzərdən keçirilib, onun yüksək
potensialı və perspektivi vurğulanıb, BTQ də daxil olmaqla hər bir
iştirakçı dövlətin maraqları çərçivəsində Şərqlə Qərbi birləşdirən
bütün marşrutlardan istifadə olunması imkanları bəyənilibdir.
Qeyd edək ki, “Şimal-Cənub” Beynəlxalq Nəqliyyat Dəhlizi Şimali
Avropanı Cənub-Şərqi Asiya ilə birləşdirən layihədir. Layihə üzrə
ilk saziş 2000-ci il sentyabrın 12-də Sankt-Peterburq şəhərində
Rusiya, İran və Hindistan arasında imzalanıb. Sonradan Azərbaycan,
Belarus, Bolqarıstan, Qazaxıstan, Qırğızıstan, Oman Sultanlığı,
Tacikistan, Suriya, Türkiyə və Ukrayna da Şimal-Cənub beynəlxalq
nəqliyyat dəhlizinə qoşulublar. Layihə 3 əsas marşrut üzrə –
Transxəzər, Şərq və Qərb marşrutu üzrə həyata keçirilir. Bu
dəhlizlə Cənubi-Şərqi Asiyadan Avropaya yüklərin daşınması 10-15
faiz ucuz başa gələcək. Yüklərin Süveyş kanalı vasitəsilə
daşınmasından 800 kilometr daha az məsafə qət ediləcək. Eyni
zamanda, daşıma müddəti 20 gün azalacaq və yüklər daha etibarlı
yolla mənzil başına çatdırılacaq. Təqribi hesablamalara görə, hər
15 ton yükün daşınmasında 2500 dolardan çox vəsaitin qənaət
edilməsi imkanı var.
Bu layihə Avropa və Hind okeanı hövzəsi arasında tranzit
yükdaşımalardan böyük həcmli dividentlər əldə olunmasına imkan
yaradır.
Publika.az
-
Magazin119:15
Talıb Talenin toyu olacaq: özündən 15 yaş kiçik xanımla... - VİDEO
-
Nida Xəbər 18:55
Ermənistanla sərhəddə işlərin 35 faizi yerinə yetirildi
-
Magazin118:00
"Elgiz və Zaur verilişinə getmək üçün mənə pul verir"
-
Nida Xəbər 17:25
İlham Əliyev Almaniyada mühüm tədbirdə çıxış etdi - Yeniləndi
-
Rəsmi xronika16:53
İlham Əliyevin Almaniya XİN rəhbəri ilə görüşü keçirildi
-
Nida Xəbər 16:06
İrəvandan Tehrana tərs şillə: Yeni qaz kəməri çəkilməyəcək
-
Rəsmi xronika15:18
Azərbaycanla Ermənistan arasında... - İlham Əliyev
-
Sağlamlıq14:56
Bu qan qrupuna aid olan insanlarda insult riski YÜKSƏKDİR