Nida Təhlil
Politoloq: Makronun mövqeyi Fransa siyasi elitasına qarşı etimadsızlıq yaradacaq
Beynəlxalq hüquqa əsasən vasitəçilik institutunun müəyyən hüquq çərçivədə fəaliyyət göstərməsi lazımdır. Vasitəçiliyin hansı funksiyaları olduğu BMT nizamnaməsində təsdiq olunub. Fransanın da həmsədr kimi fəaliyyəti o standartlara uyğun gəlmir.
Bunu Publika.az-a açıqlamasında “Beynəlxalq Ümumi Hüquq” kafedrasının professoru Əfsər Sadıqov deyib. O, qeyd edib ki, Fransanın vasitəçilik funksiyasını aşaraq tərəflərdən birinə təzyiq mexanizmini işə salması avtomatik olaraq vasitəçilik institutunun iflas etməsi anlamına gəlir.
“Fransa Prezidentinin hərbi əməliyyatlarn başladığından bəri tutduğu mövqe və verdiyi bəyanatlar bu ölkənin münaqişənin nizamlanması prosesindəki beynəlxalq mandatına ziddir. Vasitəçilik institutunda hər hansı bir tərəfə vasitəçinin mövqeyinin aşılanması və onun təsdiq edilməsinə çalışması neytrallığı itirmiş olur. Bu mənada Fransa prezidentinin vasitəçilik missiyası ilə bağlı dövlətimiz bəyanat verməlidir. Vasitəçinin öz funksiyasını yerinə yetirməməsi, tərəflərə basqı etməsi öz missiyasını pozması deməkdir.
Qanunla vasitəçi sadəcə olaraq tərəflərin mövqeyini bir-birinə çatdırır, onları uzlaşdırmağa çalışır. Burada açıq-aydın görünür ki, Fransa Ermənistanın qeyri-hüquqi mövqeyini tərəflərdən birinə təsdiq etdirməyə çalışır. Sözsüz ki, bu, birmənalı olaraq yolverilməzdir. Odur ki, Azərbaycan Respublikasının özünümüdafiəsi hüququ qaçılmazıdır”.
Professorun sözlərinə görə, Emmanuel Makronun Ermənistanın mövqeyini dəstəkləməsi Azərbaycan Fransa dostluq münasibətlərinə bir çox istiqamətlərdən təsir edə bilər.
“Ən azından Fransa siyasi elitasına etimadsızlıq baxımdan ciddi problem yaradacaq. Azərbaycan Respublikası hökuməti ilə Fransa arasında illərlə mövcud olmuş əlaqələrə, həm siyasi, həm iqtisadi və digər sahələrə təsirsiz ötüşməyəcək.
Fransa ilə Azərbaycan arasında ticarət dövriyyəsi ciddi olmaya bilər, lakin Avropa İttifaqı ilə Azərbaycan arasında çox ciddi enerji təhlükəsizliyi sferasında əməkdaşlıq var. Təhlükəsizliklə bağlı 2006-cı ildə memorandum imzalanıb, eyni zamanda TANAP layihəsinin əsas iştirakçılarından biriyik. Gələcək Trans-Xəzər layihələrinin Avropa istiqamətli enerji layihələrinin təmin olunmasında aktiv aktorlardan biriyik. Avropa İttifaqı xüsusən də iqtisadi istiqamətində Fransanın Azərbaycan Respublikası ilə əməkdaşlığına mənfi təsir edəcək”.
Aytən Məftun
-
Sağlamlıq14:56
Bu qan qrupuna aid olan insanlarda insult riski YÜKSƏKDİR
-
Dünya14:01
Sensasion iddia: Asiyada müharibə bu paslı gəmiyə görə başlayacaq - FOTO
-
Nida Xəbər 13:32
İlham Əliyev Almaniyada mühüm tədbirdə çıxış etdi - Yeniləndi
-
Nida Təhlil 13:10
Türkiyə hərbçiləri Qarabağa niyə gətirilmişdi? - Əliyevin strateji planı
-
Sosial12:58
Sabah 32 dərəcə isti olacaq
-
Nida Xəbər 12:16
XİN Avropa Parlamentinə cavab verdi
-
Nida Xəbər 10:29
Qriqoryan İrana hesabat verdi: Delimitasiya ilə bağlı
-
Nida Təhlil 09:26
Füzulidən Berlinə uçuş: Əliyevin təyyarəsi niyə Qarabağdan qalxdı?