Nida Xəbər
Yaşar Kələntərli: “Türk əsgəri ayaq basdığı hər yerə ədalət gətirir, məzlumları qoruyur"
Bu gün Bütöv Azərbaycan Xalq Cəbhəsi Partiyasının (BAXCP) İcra Aparatı, İdarə Heyəti, MNTK və bir sıra rayon təşkilatlarının təmsilçiləri Qafqaz İslam Ordusunun qəhrəman əsgər və zabitlərinin xatirəsinə ucaldılmış abidəni və Şəhidlər Xiyabanını ziyarət ediblər.
Publika.az xəbər verir ki, abidə önünə əklil qoyulub, şəhidlərin ruhuna dualar oxunub.
Ziyarət zamanı çıxış edən BAXCP-nin Baş katibi Yaşar Kələntərli bildirib ki, 1918-ci ilin mayında Nuru Paşanın komandanlığı ilə Qafqaz İslam Ordusunun Qafqaza gəlməsi, Azərbaycan xalqını erməni və bolşevik hərbi birləşmələrinin soyqırımından xilas etməsi danılmaz tarixi faktdır. Ermənilər isə qondarma iddialarla çıxış edərək, Qafqazda və daha geniş coğrafiyada yaşayan xalqları ermənilərin törətdiyi insanlıq əleyhinə cinayətlərdən xilas edən Türk xalqını heç bir əsas olmadan soyqırımında ittiham edirlər. Qafqaz İslam Ordusunun qəhrəman əsgər və zabitlərinin öz həyatları bahasına Azərbaycanda, Dağıstanda yaşayan xalqları ermənilərin qanlı, amansız cimayətlərindən xilas etməsi sübuta yetirir ki, türk əsgəri xilaskardır. O ayaq basdığı hər yerə ədalət gətirir, məzlumları qoruyur, zalımlara isə layiq olduqları cəzanı verir.
Yaşar Kələntərlidən sonra BAXCP Ali Məclsinin sədri, tarixçi alim Vaqif Abışov Qafqaz İslam Ordusunun keçdiyi yoldan, türk əsgər və zabitlərinin misilsiz qəhrəmanlıqlarından söhbət açıb.
Daha sonra BAXCP təmsilçiləri Azərbaycanın müstəqilliyi və ərazi bütövlüyü uğrunda şəhid olan soydaşlarımızın məzarlarını ziyarət ediblər, Əbədi Məşəlin önünə əklik qoyublar, şəhidlərin ruhuna dualar oxuyublar.
Xatırladaq ki, 2007-ci ildən başlayaraq, BAXCP hər il aprelin 24-nü Xikaskar Türk Əsgərinin Anım günü kimi qeyd edir.
-
Magazin200:50
Bu, yarıçılpaqlıq və ya "kim daha gözəldir?" yarışı deyil - Türk aktrisalar tənqid edildi
-
Qoroskop00:31
Günün qoroskopu: yaşamınızda yeni mövzu və məqsəd yaranır
-
Magazin120 May 23:04
Roza Zərgərli bu FOTOlarla gündəmə gəldi
-
Region20 May 22:00
Türkiyədə matəm elan edildi
-
Region20 May 21:40
Rəisinin dəfn mərasimi bu şəhərdə keçiriləcək: tarix dəqiqləşdi - YENİLƏNDİ
-
Magazin120 May 20:50
Xalq artisti rəqqasələri topa tutdu: Pula görə özlərini alçaldırlar
-
Region20 May 20:25
İranda prezident seçkilərinin keçiriləcəyi tarix AÇIQLANDI
-
Nida Xəbər 20 May 19:38
Körpü Azərbaycanın nəzarətinə keçdi: Ermənistan Kirants kəndinə dolama yol çəkir