Nida Xəbər

“Bunu ictimai müzakirəyə çıxarmalıyıq” - Azay Quliyev

17 Aprel 2020 15:33

Bizim Hüquq siyasəti və dövlət quruculuğu komitəsinin çox gözəl ənənəsi var. Hər zaman əhatəli qanunların ictimai müzakirəsini keçiririk. Təklif edirəm ki, Cinayət Məcəlləsinə təklif edilən dəyişikliklər ətrafında ikinci oxunuşa qədər ictimai müzakirə təşkil edilsin.

Publika.az xəbər verir ki, bu sözləri Milli Məclisdə deputat Azay Quliyev Cinayət Məcəlləsinə edilən dəyişikliklər haqqında danışarkən deyib.

Millət vəkili xatırladıb ki, qanuna təklif olunan dəyişikliklərdə yenilik çoxdur: “Əlbəttə, mən anlayıram ki, koronavirus problemi səbəbindən belə ictimai müzakirələr keçirmək asan deyil. Ancaq hansısa formada ictimai müzakirələr təşkil etmək və burada vətəndaş cəmiyyətinin hüquqi ekspertlərinin iştirakını təmin etmək olar”.