Nida Xəbər

Ukraynalı deputat: Gəncə terroru Azərbaycanı təxribata çəkmək üçün törədilib

17 Oktyabr 2021 15:43

Biz – ukraynalı deputatlar Azərbaycanın Dövlət Müstəqilliyinin Bərpası Günü ərəfəsində Azərbaycanda səfərdəyik. Bu gün Gəncə şəhərini ziyarət etdik, ötən ilin oktyabrında burada mülki əhaliyə qarşı törədilmiş cinayət izlərinin şahidi olduq. Açıq-aydın görünür ki, bu terror aktı Azərbaycanı təxribata çəkmək üçün törədilib.

Publika.az xəbər verir ki, bu sözləri Gəncədə səfərdə olan ukraynalı deputat Valeri Kolyux deyib.

Ukraynanın Azərbaycanın ərazi bütövlüyünü dəstəklədiyini vurğulayan V.Kolyux bildirib ki, Azərbaycanın işğal altındakı torpaqlarını azad etməsinə sevinir: “Təəssüf ki, sizin haqq mübarizənizdə dinc insanlar da həlak oldu. İndi Qarabağın inkişafı üçün addımlar atılır. Ukrayna olaraq biz gələcəkdə çiçəklənən Qarabağı görmək arzusundayıq”.