Nida Xəbər

Türkiyəli nazir: "Münasibətlərimizin səmimiyyəti və gücü ilə bağlı açıqlamaya gərək yoxdur"

19 İyul 2022 13:24

“Türkiyə və Azərbaycan münasibətlərinin tərifə ehtiyacı yoxdur. Biz “Bir millət – iki dövlət” şüarı ilə hərəkət edən iki ayrı toplumuq. Beləliklə, münasibətlərimizin səmimiyyəti və gücü məsələsində açıqlama verməyə gərək yoxdur”.

Publika.az xəbər verir ki, bunu Bakıda səfərdə olan Türkiyənin ailə və sosial xidmətlər naziri Dərya Yanık bildirib.

“Azərbaycan və Türkiyə bölgədəki əməkdaşlığı ilə həm dünyada, həm də türk dünyasında təhlükəsizlik adası yaradan, dostlarına güvən, düşmənlərinə narahatlıq verən iki ölkə. Biz bundan öncə olduğu kimi, bundan sonra da Azərbaycanla münasibətlərimizi hər sahədə inkişaf etdirib artıracağıq”.

Türkiyə rəsmisi Şuşanı ziyarət edəcəyini də bildirib:

“Şuşa zəfəri Azərbaycanda necə sevinclə qarşılandısa, Türkiyədə də o cür qarşılanıb. Azərbaycan və türk dünyasının mədəniyyət mərkəzi olan Şuşanı ziyarət edərək həm şəhidlərin əziz xatirəsini anmaq və millətimizlə görüşmək niyyətindəyik”.

(report.az)