Prezident: "Azadlıq mübarizəsi Əlcəzairin tarixinə əbədi həkk olunub"
Bizi izləyin
Aptekonline

Nida Xəbər

Prezident: "Azadlıq mübarizəsi Əlcəzairin tarixinə əbədi həkk olunub"

"Amansız müstəmləkə əsarətindən qurtulmaq üçün başlanılan azadlıq və müstəqillik mübarizəsi Əlcəzair xalqının böyük şücaətinin, birliyinin, sarsılmaz iradəsinin və qətiyyətinin rəmzi kimi Əlcəzairin tarixinə əbədi olaraq həkk olunmuşdur".

Publika.az xəbər verir ki, bu sözləri Əlcəzairdə səfərdə olan Azərbaycan Prezidenti İlham Əliyev Milli Mücahidlər Muzeyinin xatirə kitabına yazıb.

Prezident qeyd edib ki, Milli Mücahidlər Muzeyi Əlcəzair xalqının şanlı tarixinin ən faciəli və eyni zamanda, ən qürurverici səhifələrindən birini özündə əks etdirən mühüm kompleksdir:

"Bu muzey Əlcəzair xalqına qarşı misli görünməmiş qəddarlıqla və şiddətlə həyata keçirilən müstəmləkə siyasətinin, müharibə və insanlıq əleyhinə cinayətlərin, müstəmləkəçi qüvvələrə qarşı ümumxalq mübarizəsinin və bir milyon yarım şəhidin canı bahasına qazanılmış müstəqillik qələbəsinin yaddaşlarda qorunub saxlanması və gələcək nəsillərə ötürülməsi baxımından müstəsna əhəmiyyət kəsb edir".

Teqlər
Oxumağa davam et
Reklam
Reklam

Gündəm

Aptekonline