Paşinyan azərbaycanlı jurnalistin bu sualı qarşısında susdu - VİDEO

Məlumat verdiyimiz kimi, fevralın 18-də Münxendə Azərbaycan Respublikasının Prezidenti İlham Əliyevin Amerika Birləşmiş Ştatlarının Dövlət katibi Antoni Blinken və Ermənistan Respublikasının baş naziri Nikol Paşinyan ilə birgə görüşü keçirilib.

Publika.az-ın məlumatına görə, bu görüşdən sonra “Dağları aşmaq? Cənubi Qafqazda təhlükəsizliyin qurulması” mövzusunda plenar iclas olub.

“Xəzər Xəbər”in şef-redaktoru Nəcəf Həsənov Paşinyana plenar iclasa gələrkən sual ünvanlayıb, üçtərəfli görüşün nəticəsini necə dəyərləndirdiyini soruşub. Sualı dinləyən Paşinyan isə susqunluq nümayiş etdirib və cavab verməkdən imtina edərək plenar iclasın keçiriləcəyi zala tərəf hərəkət edib.

Publika.az həmin görüntüləri təqdim edir:

Qeyd edək ki, Münxen Təhlükəsizlik Konfransı çərçivəsində fevralın 18-də "Dağları aşmaq? Cənubi Qafqazda təhlükəsizliyin qurulması" mövzusunda plenar iclas keçirilib.

Azərbaycan Respublikasının Prezidenti İlham Əliyev və birinci xanım Mehriban Əliyeva tədbirdə iştirak ediblər.

Münxen Təhlükəsizlik Konfransının sədri Kristof Heusgenin moderatorluq etdiyi plenar iclasda Gürcüstanın Baş naziri İrakli Qaribaşvili, Ermənistan Respublikasının Baş naziri Nikol Paşinyan, ATƏT-in baş katibi, Münxen Təhlükəsizlik Konfransı Şurasının sədr müavini xanım Helqa Maria Şmid də iştirak ediblər.