Nida Xəbər
Xudafərin körpüsünün işğaldan azad olunmasından 4 il ötür
Bu gün - oktyabrın 18-i Cəbrayıl rayonunda yerləşən qədim Xudafərin körpüsünün və ətraf ərazilərin Ermənistan Silahlı Qüvvələrinin işğalından azad edilməsinin ildönümüdür.
Publika.az-ın xəbərinə görə, Azərbaycan İran sərhədində, Araz çayının üzərində yerləşən körpünün erməni işğalçılarından təmizlənməsindən dörd il ötür.
2020-ci ilin oktyabrın 18-də Xudafərin körpüsü ilə yanaşı Cəbrayılın daha iki yaşayış məntəqəsi - Hacılı və Hacı İsaqlı kəndləri işğalçılardan azad edilib.
Qeyd edək ki, Azərbaycan memarlıq məktəbi üslubunda inşa olunmuş 11 tağlı Xudafərin körpüsü İran-Azərbaycan sərhədində, Araz çayı üzərində yerləşən XI-XII əsrlərə aid körpünün qalıqlarıdır. Körpü daşdan tikilmiş və yaxşı yonulmuş iri daş lövhələrlə üzlənib. Tədqiqatçılar onun XIII yüzildə, Elxanilərin (Hülakülər) hakimiyyəti illərində antik dövr körpüsünün qalıqları üzərində yenidən tikildiyi fikrindədirlər. Körpünün uzunluğu 130 metrə yaxın, eni altı metr, çay səviyyəsindən hündürlüyü 12 metrdir. Hazırda üç orta tağı salamat qalıb, sahil tağları isə XX əsrin 30-cu illərində SSRİ-nin qərarı ilə dağıdılıb.
On beş tağlı Xudafərin körpüsü isə XIII əsrə aid edilir. Həmdullah Qəzvininin yazdığına görə, onu hicri təqvimi ilə on beşinci ildə (Miladi təqvimi ilə 639-cu il) Məhəmməd peyğəmbərin yaxın silahdaşı Bəkr ibn Abdullah tikdirib. Körpü tağlarının dayaqları təbii özüllər - qayalar üzərində ucaldığından aşırımlar müxtəlif ölçülü və sərbəst düzümlüdür. Bişmiş kərpic və çay daşlarından tikilmiş körpünün uzunluğu 200 metrə yaxın, eni 4, 5 metr, çay səviyyəsindən ən böyük hündürlüyü 12 metrdir.
-
İKT00:45
Azərbaycanın Müstəqilliyinin Bərpası Günü “Google"da - FOTO
-
Hadisə00:30
Xəzərdəki ardıcıl zəlzələlər təhlükənin xəbərçisidir? - Qurban Yetirmişli açıqladı / VİDEO
-
Qoroskop00:15
Günün ULDUZ FALI - Onlar sizə zərər verə və nüfuzunuzu korlaya bilərlər
-
Nida Təhlil 17 Oktyabr 23:12
Sabiq nazir sülh müqaviləsindən DANIŞDI: "COP29 zamanı..."
-
Magazin217 Oktyabr 22:48
Məşhur aktyor evində ÖLÜ TAPILDI - FOTO
-
Magazin217 Oktyabr 22:12
Serial ulduzu xanımından BOŞANDI: Qaraşın qız onu qucaqlayıb öpüb... - FOTO
-
Kriminal17 Oktyabr 21:48
Azərbaycanda SİLAHLI QARŞIDURMA: iki nəfər öldürüldü, bir nəfər yaralandı
-
Cənubi Qafqaz17 Oktyabr 21:36
Bu tanınmış azərbaycanlı partlayışda ÖLDÜ - FOTO