Putinin partiyasının binası yandırıldı - VİDEO

Rusiya prezidenti Vladimir Putinin təsis etdiyi Vahid Rusiya Partiyasına hücum edilib.

Publika.az xəbər verir ki, Rusiya ordusu üçün ianə və yardımların toplandığı Arxangelskdə Vahid Rusiya Partiyasının binası 16 yaşlı şəxs tərəfindən yandırılıb.

Təhlükəsizlik kameralarına düşən görüntülərdə üzünü gizlədən şəxsin özü ilə gətirdiyi tez alışan materialla partiya binasına hücum etdiyi görülüb.

Hücumdan sonra partiya binası alovlanarkən yanğınsöndürənlər yanğını binaya keçmədən söndürüblər. Hücum gecə saatlarında həyata keçirildiyi üçün xəsarət alan olmayıb.

Rusiya İstintaq Komitəsinin verdiyi açıqlamada hücumu təşkil edən şəxsin müəyyən edilərək yaxalandığı bildirilir:

“Şübhəli polis qüvvələrinin dəstəyi ilə Daxili İşlər Nazirliyi və Rusiya Federal Təhlükəsizlik Xidmətinin (FSB) qrupları tərəfindən bir neçə saat ərzində saxlanılıb. Məlum olub ki, şübhəli şəxs 16 yaşlı şəhər sakinidir. İstintaq hücumda iştirak edən şəxslərin, o cümlədən Ukrayna ilə əlaqənin olması ehtimalını müəyyən etməyə davam edir”.

Roza