Türkiyədə məşhurların kütləvi həbsi: Görün bu dəfə kimlər saxlanıldı - SİYAHI

İstanbul Baş Prokurorluğunun narkotik və psixotrop maddələrlə bağlı apardığı istintaq çərçivəsində tanınmış şəxslərə qarşı əməliyyat keçirilib.

Publika.az xəbər verir ki, istintaq çərçivəsində Aleyna Tilki, Danla Bilic, İrem Sak və Mümine Senna İstanbul Jandarm Komandanlığının əməkdaşları tərəfindən saxlanılıblar.

İstanbul Jandarm Komandanlığının əməkdaşları tərəfindən 18 dekabr 2025-ci il tarixində yerli vaxtla saat 07:00-dan etibarən İstanbulun Sarıyer, Eyüp, Şişli, Üsküdar, Bakırköy və Esenyurt rayonlarında yerləşən 7 ünvanda axtarış aparılıb.

Əməliyyat İstanbul Cumhuriyyət Baş Prokurorluğunun 2025/219794 CBS nömrəli cinayət işi çərçivəsində, ictimaiyyət arasında tanınan bəzi şəxslərin narkotik və ya psixotrop maddə istifadə etməsi ilə bağlı yaranan şübhələr əsasında həyata keçirilib. Tədbirlər zamanı 7 şübhəli şəxs barəsində prosessual tədbir görülüb.

Axtarışlar zamanı şübhəli Mümine Senna Yıldızın yaşadığı ünvandan təxminən 5 qram marixuana və marixuana üyüdən aparat aşkar edilərək götürülüb.

Barələrində saxlanılma qərarı verilən Aleyna Tilki, Danla Bilic, İrem Sak və Mümine Senna Yıldız jandarm əməkdaşları tərəfindən yaxalanaraq gözaltına alınıb.

Digər şübhəlilər - Melisa Döngel, Yusuf Güney və Cihan Şensözlü isə qeydiyyatda olduqları ünvanlarda tapılmayıb. Onların axtarışının davam etdirildiyi bildirilir.

Faktla bağlı istintaq davam edir.

Publika.az