Paşinyan Rusiyadan Naxçıvanla bağlı nə tələb edib? - Qazax məsələsini də qaldıracam

Mən rusiyalı həmkarlarımdan Yerasxdan Naxçıvan sərhədinə və Axurikdən Türkiyə sərhədinə qədər olan hissələrdə dəmir yolunun tam bərpasını təcili olaraq həyata keçirmələrini xahiş etmişəm.

Publika.az xəbər verir ki, bu barədə Ermənistanın Baş naziri Nikol Paşinyan dekabrın 18-də jurnalistlərlə söhbətində bildirib.

O, yaxın gələcəkdə dəmir yolunun İcevan-Qazax hissəsi məsələsini də qaldıracağını açıqlayıb. O, bu hissənin də tez bir zamanda bərpa edilməsinin vacibliyini qiymətləndirib.

Paşinyan rusiyalı həmkarlarının bu tələbi yerinə yetirəcəyinə ümid etdiyini bildirib.

O əlavə edib ki, Meğri dəmir yolu hissəsi Rusiyanın nəzarəti altında deyil, ona görə də Ermənistana təhvil verilməlidir.

"Bu, Ermənistanın suveren ərazisidir və biz bu əraziyə nəzarəti heç kimə həvalə etməmişik. Orada dəmir yolu yoxdur, ona görə də onu hər kəs idarə etməməlidir", - deyə o əlavə edib.

Baş nazir xatırladıb ki, 8 avqustda ABŞ-da bəyannamənin imzalanmasından sonra sənədin Rusiyaya qarşı yönəldiyi barədə söhbətlər gedirdi. "Mən dedim ki, bu, Ermənistan-Rusiya münasibətləri üçün yeni imkanlar açır", - deyə o qeyd edib.

Baş nazir əlavə edib ki, TRIPP ikitərəfli layihədir və üçüncü tərəflərin iştirakı yalnız ikitərəfli şəkildə müzakirə edilə bilər. "Bu, açıq şəkildə bildirilib", - deyə Paşinyan yekunlaşdırıb.

Tural