Ruslar Qarabağda bu əraziləri minalardan təmizləyir - Polkovnik-leytenant

Rusiya Silahlı Qüvvələri Mərkəzi Hərbi Dairəsinin sülhməramlı briqadasının mühəndis-istehkamçıları, Dağlıq Qarabağda xidmətə başlayıb.

Publika.az-ın məlumatına görə, onlar əraziləri minalardan təmizlənməyə start verib.

Birinci mərhələdə, ərazidə gələcəkdə Rusiya hərbi kontingentinin stasionar postlarının tikiləcəyi yerlərdə partlayıcıların olub-olmadığını yoxlanılacaq.

Rusiya hərbi kontingentinin mühəndis xidmətinin rəisi polkovnik-leytenant Pavel Pautov jurnalistlərə açıqlamasında Qarabağ ərazisinin sülhməramlıların məsuliyyət zonasında olan hissəsinin minalardan təmizlənməsinin bir neçə ay çəkə biləcəyini söyləyib: "Bu ərazidə hələ qanlı tələlərə rast gəlməmişik. Burada, əsasən, sovet istehsalı olan minalardan istifadə edilib: TM-62 tank əleyhinə mina, PMN-2 piyada əleyhinə mina”.

O qeyd edib ki, artıq yol hissələrindən birində 30-a yaxın tank əleyhinə mina tapılıb.

Onun sözlərinə görə, ilkin mərhələdə 4,9 kilometr qərb istiqamətində, Şuşa şəhərindən keçən hərəkət marşrutunun təmizlənməsi işləri aparılır.

Zümrüd