Qırmızı.az

600 qram çəki ilə doğulan körpələr sağ qalacaq

13 Oktyabr 2015 13:30

Azərbaycanda 600 qram çəki ilə doğulan körpələrin həyatını xilas etmək mümkün olacaq.

Publika.az xəbər verir ki, bu barədə səhiyyə naziri Oqtay Şirəliyev Nazirlər Kabinetinin prezident İlham Əliyevin iştirakı ilə keçirilən iclasında deyib.

Nazir bildirib ki, ana və uşaq sağlamlığı ilə bağlı ötən ildən etibarən beynəlxalq səhiyyə təşkilatlarının tövsiyələrinə uyğun olaraq yeni diridoğulma meyarları qəbul edilib.

“Bu gün Azərbaycan səhiyyəsinin inkişafı bizə imkan verir ki, vaxtından xeyli tez, hətta 600 qram çəki ilə doğulan körpələrin də həyatı uğrunda mübarizə aparaq. Bir neçə il əvvəl hər belə körpənin xilası bir möcüzə kimi qiymətləndirilirdi. İndi isə ilin əvvəlindən ekstremal azçəkili, yəni 1000 qramdan az çəki ilə doğulmuş 202 yenidoğulmuşdan səksənini xilas etmək mümkün olub, bu isə çox yüksək göstəricidir”.

Gülxar