Qırmızı.az

Qalmaqallı falçı qadağa barədə: “Tövbə edəcəm"

4 Noyabr 2015 15:59

Azərbaycanda məşhur baxıcı kimi tanınan Yeganə Zeynalova Dini Qurumlarla iş üzrə Dövlət Komitəsinin sədri Mübariz Qurbanlının falçılıqla bağlı qadağasına münasibət bildirib.

Y.Zeynalova Modern.az saytına açıqlamasında Mübariz Qurbanlını dəstəkləyib:

“Quranla fala baxanlar, dualar yazanların fəaliyyəti qadağan olunmalıdır. Çünki həqiqətən də Quranda cadu, baxıcılıq yoxdur. Olmayıb, olmayacaq da. 100 dəfə dua yazırlar, olur ki, 1 dəfə tutur. Məşhur televiziya rəhbəri var (baxıcı adını çəksə də, biz yazmağa lüzum görmədik-red.), onun atası da falçılıqla məşğul olub. Mən görməmişəm, amma camaatın dediyini deyirəm”.

Baxıcı deyib ki, artıq bu işlərlə məşğul olmur:

“Mən Həcc ziyarətinə hazırlaşıram. Gedib-gələndən sonra tövbə edəcəm. Daha baxıcılıqdan yorulmuşam. İndi qoy Zirəddin cavab versin belə məsələlərə. Mən tövbə eləmişəm”.