Qırmızı.az
60 ilin ağaclarını kəsdilər - yerində şadlıq evi tikilir? - VİDEO
Xaçmaz rayonunun Xudat şəhərində musiqi məktəbinin yaxınlığındakı parkda ağaclar kəsilib.
Bu barədə Publika.az-a şəhər sakinləri məlumat verib.
Sakinlər deyir ki, 1951-ci ildə əkilmiş yeddi ədəd şam ağacı heç bir səbəb olmadan kəsilib.
“Ağaclar noyabrın 11-də kəsilib. Buna etiraz edərək əraziyə toplaşdıq. Lakin hadisədən sonra ağacların kəsildiyi yerə Ekologiya və Təbii Sərvətlər Nazirliyinin Xaçmaz regional idarəsinin əməkdaşları da gəldi”.
Sakinlər deyir ki, ağacların kəsilməsi haqqında göstərişin konkret olaraq kim tərəfindən verildiyi bilinmir. Lakin şayiələrə görə, ağacların kəsildiyi ərazidə şadlıq evi tikiləcək.
Sakinlərin şikayətinə Xudat şəhər icra nümayəndəsi Akif Mərdanovun münasibətini öyrəndik. Sakinlər 7 ağacın kəsildiyini desə də, icra nümayəndəsi yalnız 4 ağacın kəsildiyini bildirib:
“Həmin ərazidə ağacların kəsilməsi ilə bağlı şikayət daxil olub. Ekologiya və Təbii Sərvətlər Nazirliyinin Xaçmaz regional idarəsinin əməkdaşları hadisə yerinə gedənə qədər həmin şəxslər oradan uzaqlaşıb. Kəsilən ağaclar hamısı ərazidə idi. Biz də həmin ağacları yaxınlıqdakı 1 saylı məktəbə verdik. Həmin ərazi hasara alınmışdı, sakinlər oranı dağıdıblar. Yəqin kimsə, ərazinin mühafizə olunmadığını görənlər ağacları kəsmək istəyib. Ərazidə şadlıq evi tikilməsi doğru deyil”.
Ağacları kəsənlərin nə üçün onları ərazidə qoyub getməsinə gəldikdə, icra nümayəndəsi bunu sakinlərin ərazidə səs-küy salması ilə əsaslandırdı:
“Yəqin əhalinin toplaşdığını görüb oranı tərk ediblər. Amma dəqiq səbəbi bilmirik. Ağacları kimin kəsməsi barədə bizdə məlumat yoxdur. Bu barədə regional şöbənin əməkdaşları araşdırma aparır”.
Gülxar
-
Magazin126 Aprel 23:26
Xumar Qədimova daha bir məşhur şeiri mahnıya çevirdi - VİDEO
-
İnanc26 Aprel 23:02
Həcc ziyarəti ilə bağlı zəvvarlara XƏBƏRDARLIQ
-
Region26 Aprel 22:37
Başqa çıxış yolumuz yoxdur - Paşinyan
-
Hadisə26 Aprel 21:47
Dörd aylıq körpə binadan necə düşüb? - Hadisə yerindən GÖRÜNTÜLƏR
-
Magazin126 Aprel 21:35
Günelə nə olub? - Xəstəxanadan görüntüsünü paylaşdı və... - FOTO
-
Hadisə26 Aprel 21:10
Qırmızı işıqda keçən nazirin maşını aşdı - FOTO
-
Magazin126 Aprel 20:22
Müğənni Yalının qohumu sevgilisi tərəfindən qətlə yetirildi - FOTO
-
Dünya26 Aprel 19:57
Zelenski onu yeni vəzifəyə təyin etdi